Burynǵy Mádenıet jáne sport mınıstri, QR Ulttyq mýzeıiniń dırektory Arystanbek Muhamedıuly Kenesarynyń basy tabyldy degen aqparatqa qatysty oıyn aıtty.
«Negizi tarıhı derekterge óte muqııat bolý kerek. Qatelesý túk te emes. Biraq ony izdeý kerek. Kenesarynyń basyn izdeýge egemendik alǵannan keıin kóptegen azamattarymyz atsalysty. Kenesary atamyzdyń basyn qaıtarý ár qazaqtyń armany. Mysaly ony izdeýshilerdiń ishinde men de boldym. Tabylý kerek. Biraq asyǵystyqtyń qajeti joq. Bizde tarıhta ondaı jıi kezdesedi. Ózderińiz bilesizder, Ámir Temirdiń qabirin ashqan kezde soǵys bastalyp, qabirin qalaı japty soǵys aıaqtaldy. Negizi árıne halyqqa úmit kerek. Biraq meniń kózqarasym boıynsha, halyq ózi umtylýy kerek. Bárimiz eshqandaı jumys istemeı, Kenesarynyń basy kelse, búkil Qazaqstan gúldeıdi degen árıne ertegi», - dedi Arystanbek Muhamedıuly Qasqa jol" baǵdarlamasyna bergen suhbatynda.
"Adyrna" ulttyq portaly
