بۇگىن اقپارات جانە قوعامدىق دامۋ ءمينيسترى ايدا بالاەۆا «كيەلى تابيعات» رەسپۋبليكالىق جاستار اكتسياسىنىڭ اشىلۋ راسىمىنە قاتىستى. جوباعا ەلىمىزدىڭ بارلىق ايماقتارىنان جاستار ۇيىمدارىنىڭ وكىلدەرى قاتىسادى دەپ جوسپارلانىپ وتىر.
نۇر-سۇلتانداعى بوتانيكالىق باعىندا بارلىق سانيتارلىق-ەپيدەميولوگيالىق نورمالاردىڭ قاتاڭ ساقتالۋىمەن وتكەن اتسيانىڭ باستالۋ راسىمىنە «جاس ۇلان»، «جاسىل ەل» جاستار ۇيىمدارىنىڭ كوشباسشىلارى، سونداي-اق استانانىڭ ءبىلىم بەرۋ مەكەمەلەرىنىڭ جاس بەلسەندىلەرى قاتىستى.
قاتىسۋشىلارعا ارنالعان سوزىندە ايدا بالاەۆا: "حالقىمىز ءۇشىن «تازالىق» دەگەن – كيەلى ۇعىم. تابيعاتتى ايالاۋ مەن قۇرمەتتەۋ – حالقىمىزدىڭ قانىندا بار قاسيەت. اتا-بابالارىمىز جاس ۇرپاقتى دا «بۇلاقتىڭ كوزىن اش»، «كوك شىبىقتى سىندىرما»، «وزەندى لاستاما» دەپ وسىرگەن. الدىڭعى بۋىن ۇلكەندەرىمىز – ءبىزدىڭ ۇنەمى وسىلاي تازالىققا تاربيەلەدى. ەندى وسى جاقسى ءداستۇر ساباقتاستىعىن ءۇزىپ الماي، ءبىز دە ءارى قاراي جالعاۋىمىز قاجەت دەپ سانايمىن", — دەدى.
ونىڭ ايتۋىنشا بولاشاق ۇرپاقتىڭ قالپى بۇگىن قورشاعان ورتاعا قانشالىقتى ۇقىپتى قاراپ وتىرعانىمىزعا بايلانىستى ەكەندىگىنە، سوندىقتان ەكولوگيالىق ساۋات اشۋ - جاڭا ۇرپاق تاربيەسىنىڭ ماڭىزدى بولىگى بولىپ تابىلادى. مينيستر تابيعاتقا دەگەن قامقورلىق قاسيەتتەردى «كيەلى تابيعات» سەكىلدى ەكولوگيالىق اكتسيالاردا كورسەتۋگە بولادى دەپ سەنەدى.
«ەكولوگيالىق اعارتۋ جۇمىستارىنا «جاسىل ەل» جاستار ەڭبەك جاساقتارى رەسپۋبليكالىق شتابىنىڭ 30 مىڭنان استام مۇشەلەرى تارتىلاتىن بولادى. بۇگىنگى اكتسيا ارقىلى قازاقستان جاستارىن تابيعاتتى ايالاۋعا، ونى تازا ۇستاۋعا شاقىرامىن!»، — دەدى ا.بالاەۆا.
اتاپ ايتساق، 25 ءساۋىر مەن 25 مامىر ارالىعىندا بۇكىل ەل اۋماعىندا ەكولوگيالىق ايلىق جالعاساتىن بولادى. ونىڭ اياسىندا بارلىق وڭىردە جاستاردىڭ قاتىسۋىمەن – وزەن ارنالارىن تازارتۋ، اۋلالاردى تازالاۋ، اعاش ەگىپ، گۇل وتىرعىزۋ جۇمىستارى جۇرگىزىلەدى.
سونىمەن بىرگە، پرەزيدەنت قاسىم-جومارت توقاەۆتىڭ وسكەلەڭ ۇرپاققا ەكولوگيالىق ءبىلىم بەرۋدىڭ ءتيىمدى ادىستەرىن جۇزەگە اسىرۋ جونىندەگى تاپسىرمالارىن ورىنداۋ ماقساتىندا بۇۇ-نىڭ ەكونوميكالىق جانە الەۋمەتتىك كەڭەسىنىڭ جاستار فورۋمىندا ا.بالاەۆا بۇۇ ەلدەرىنىڭ جاستارىن «تازا پلانەتا» اتتى اكتسياسىن وسى جىلى ىسكە اسىرۋعا شاقىرعانىن ەسكە سالامىز. بۇگىنگى «كيەلى تابيعات» ءىس-شاراسىندا مينيستر «تازا پلانەتا» اكتسياسى ميلليونداعان سەرىكتەستەردى تارتادى دەگەن ءۇمىتىن ءبىلدىردى.
«كيەلى تابيعات» جوباسى اياسىندا بارلىق ايماقتاردا ەكو-قوزعالىستار قۇرىلىپ، جاستار اراسىندا ەكولوگيالىق مادەنيەت قۇندىلىقتارىن ناسيحاتتاۋ جوسپارلانۋدا. «كيەلى تابيعات» ۇيىمداستىرۋشىلارى جاس قازاقستاندىقتار اراسىندا اۋقىمدى اقپاراتتىق-ءتۇسىندىرۋ سۇيەمەلدەۋمەن پراكتيكالىق جۇمىستاردى جۇرگىزەدى.
الەۋمەتتانۋلىق زەرتتەۋلەر قازىرگى كەزدە ەكولوگيالىق مادەنيەت پەن ەكوترەند قازاقستاندىق جاستاردىڭ TOپ-5 قۇندىلىق كريتەريلەرىنە كىرىپ وتىرعاندىعىن كورسەتىپ تۇر.
«كيەلى تابيعات» جوباسى وسى وڭ تەندەنتسيانى نىعايتۋدى جانە دامىتۋدى كوزدەيدى.
