Búgin Aqparat jáne qoǵamdyq damý mınıstri Aıda Balaeva «Kıeli tabıǵat» respýblıkalyq jastar akııasynyń ashylý rásimine qatysty. Jobaǵa elimizdiń barlyq aımaqtarynan jastar uıymdarynyń ókilderi qatysady dep josparlanyp otyr.
Nur-Sultandaǵy Botanıkalyq baǵynda barlyq sanıtarlyq-epıdemıologııalyq normalardyń qatań saqtalýymen ótken aııanyń bastalý rásimine «Jas Ulan», «Jasyl El» jastar uıymdarynyń kóshbasshylary, sondaı-aq astananyń bilim berý mekemeleriniń jas belsendileri qatysty.
Qatysýshylarǵa arnalǵan sózinde Aıda Balaeva: "Halqymyz úshin «tazalyq» degen – kıeli uǵym. Tabıǵatty aıalaý men qurmetteý – halqymyzdyń qanynda bar qasıet. Ata-babalarymyz jas urpaqty da «Bulaqtyń kózin ash», «Kók shybyqty syndyrma», «Ózendi lastama» dep ósirgen. Aldyńǵy býyn úlkenderimiz – bizdiń únemi osylaı tazalyqqa tárbıeledi. Endi osy jaqsy dástúr sabaqtastyǵyn úzip almaı, biz de ári qaraı jalǵaýymyz qajet dep sanaımyn", — dedi.
Onyń aıtýynsha bolashaq urpaqtyń qalpy búgin qorshaǵan ortaǵa qanshalyqty uqypty qarap otyrǵanymyzǵa baılanysty ekendigine, sondyqtan ekologııalyq saýat ashý - jańa urpaq tárbıesiniń mańyzdy bóligi bolyp tabylady. Mınıstr tabıǵatqa degen qamqorlyq qasıetterdi «Kıeli Tabıǵat» sekildi ekologııalyq akııalarda kórsetýge bolady dep senedi.
«Ekologııalyq aǵartý jumystaryna «Jasyl El» jastar eńbek jasaqtary respýblıkalyq shtabynyń 30 myńnan astam músheleri tartylatyn bolady. Búgingi akııa arqyly Qazaqstan jastaryn tabıǵatty aıalaýǵa, ony taza ustaýǵa shaqyramyn!», — dedi A.Balaeva.
Atap aıtsaq, 25 sáýir men 25 mamyr aralyǵynda búkil el aýmaǵynda ekologııalyq aılyq jalǵasatyn bolady. Onyń aıasynda barlyq óńirde jastardyń qatysýymen – ózen arnalaryn tazartý, aýlalardy tazalaý, aǵash egip, gúl otyrǵyzý jumystary júrgiziledi.
Sonymen birge, Prezıdent Qasym-Jomart Toqaevtyń óskeleń urpaqqa ekologııalyq bilim berýdiń tıimdi ádisterin júzege asyrý jónindegi tapsyrmalaryn oryndaý maqsatynda BUU-nyń ekonomıkalyq jáne áleýmettik keńesiniń jastar forýmynda A.Balaeva BUU elderiniń jastaryn «Taza planeta» atty akııasyn osy jyly iske asyrýǵa shaqyrǵanyn eske salamyz. Búgingi «Kıeli Tabıǵat» is-sharasynda mınıstr «Taza planeta» akııasy mıllıondaǵan seriktesterdi tartady degen úmitin bildirdi.
«Kıeli Tabıǵat» jobasy aıasynda barlyq aımaqtarda eko-qozǵalystar qurylyp, jastar arasynda ekologııalyq mádenıet qundylyqtaryn nasıhattaý josparlanýda. «Kıeli Tabıǵat» uıymdastyrýshylary jas qazaqstandyqtar arasynda aýqymdy aqparattyq-túsindirý súıemeldeýmen praktıkalyq jumystardy júrgizedi.
Áleýmettanýlyq zertteýler qazirgi kezde ekologııalyq mádenıet pen ekotrend qazaqstandyq jastardyń TOP-5 qundylyq krıterılerine kirip otyrǵandyǵyn kórsetip tur.
«Kıeli Tabıǵat» jobasy osy oń tendenııany nyǵaıtýdy jáne damytýdy kózdeıdi.
