الەۋمەتتىك جەلىدە قىسقاتولقىندى پەشتىڭ نۇسقاۋلىعىندا ورىسشا جازىلمادى دەپ قازاق حالقىنا ءتىل تيگىزىپ سويلەگەن ورىس جىگىتىنىڭ تاعى ءبىر بەينەجازباسى پايدا بولدى. بۇل جازبادا ول وتكەندەگىدەي ەمەس، ىستەگەنىنە وكىنىش ءبىلدىرىپ كەشىرىم سۇراعان.
ول بۇل جازباسىندا قازاق ءتىلىن ازداپ تۇسىنەتىنىن دە مويىنداعان.
«سول قىسقاتولقىندى پەشتى العان كۇنى ىشىمدىك ءىشىپ العان ەدىم. ماستىعىمنىڭ كەسىرىنەن ورىسشا جازىلعان نۇسقاۋلىقتى بايقاماي قالىپپىن. سودان قازاق تىلىندەگى نۇسقاۋلىقتى ءتۇسىرىپ، Tiktok-قا سالىپ جىبەردىم. مۇنداي قىلىعىممەن بىرەۋدى رەنجىتىپ الامىن دەپ ويلامادىم. ەسىمدى جيىپ، تاڭەرتەڭ سالعان ۆيدەونى كورىپ، بىردەن ءوشىرىپ تاستادىم. مۇنىم ويلانباي ىستەگەن ارەكەتىم بولدى.
ءوزىم قازاقشا ازداپ تۇسىنەمىن. ويتكەنى جولداستارىمنىڭ تەڭ جارتىسى – قازاق. ءومىر باقي ءاي-ءشاي دەسپەي ارالاسىپ كەلەمىز. ونىڭ ۇستىنە جۇمىس بابىمەن دە قازاقشا سويلەسىپ جاتادى. ءوزىم وسى جەردىڭ تۋماسىمىن، اكە-شەشەم دە وسى جەردىكى. بيلىككە دە ەشتەڭە ايتارىم جوق. سوندىقتان قۇرمەتتى وتانداستار، مەنى كەشىرىڭىزدەر!» – دەلىنگەن جىگىتتىڭ جازباسىندا.
جۋرناليست ماكسيم روجين مۇنداي ارەكەتتەرگە توقتاۋ سالاتىن ۋاقىتتىڭ جەتكەنىن ايتادى. بۇل تۋرالى ول ءوزىنىڭ facebook پاراقشاسىندا جاريالادى.
«ەەەح باۋىرىم اۋ، قازاق ءتىلىن وسىنداي ۇياتتى جاعدايدا ۇيرەنگەنشە، ابىرويىڭدى ايرانداي توكپەي، ارتى بەتىڭ ماينكرافتتالىپ كەشىرىم سۇراۋمەن جالعاستى. دۇرىس جاعدايدا ۇيرەنۋگە بولار ەدى عوي بىلاي قىلماي...
نە بولدى مىناۋ ەندى؟ تىلگە دەگەن دۇرىس كوزقاراستى قالىپتاستىرۋ كەرەك، ال مىناۋ ەندى ۇيات نارسە...
ايتساڭ وزىڭە تيەدى!
نەگىزى وسى تەندەنتسيا جاقسى ەمەس جىگىتتەر، ايتىپ الىپ ارتىنان كەشىرىم سۇراۋ دەگەن قازاقتا «جىگىتتىڭ ەكى سويلەگەنى – ولگەنى» نەمەسە «ويلانباي سويلەگەن ...
ارى كاراي facebook اۋدارماشى دۇرىس اۋدارا الماي كالۋ مۇمكىن ادامداردى شوشىتىپ، تۇسىندىڭدەر عوي بۇل ماكالانىڭ ءمانىن...»، - دەپ جازعان.
"ادىرنا" ۇلتتىق پورتالى
