«Nur Otan» پارتياسى تالعار اۋداندىق فيليالىنىڭ پارتيالىق باقىلاۋ كوميسسياسى تاراپىنان الەۋمەتتىك جەلىدەگى جازبا بويىنشا تەكسەرۋ جۇرگىزىلدى. اتاپ ايتساق، قارابۇلاق اۋىلى تۇرعىندارى جەرگىلىكتى زيراتتا مارقۇمداردى جەرلەۋگە تىيىم سالعانى جونىندە شاعىم تۇسىرگەن.
تەكسەرىس اياسىندا، ەسكى زيرات اۋماعىندا مۇردەنى جەرلەۋگە ورىن جوعى انىقتالدى (زيرات اۋماعى 5,5 گا).
پارتيا ارالاسۋىمەن، الماتى وبلىستىق ءماسليحاتىنىڭ دەپۋتاتى اسقار سۇلەيمەنوۆتىڭ كومەگى ارقاسىندا قارابۇلاق اۋىلى ماڭىنان وتەۋسىز نەگىزدە مۇسىلماندار جانە حريستيان زيراتتارىنا جەر تەلىمى (11.02 گا) ءبولىندى.
سونىمەن قاتار، انىقتالعان ماسەلەگە بايلانىستى، اتالعان اۋىلعا قاراستى پانفيلوۆ اۋىلدىق وكرۋگى اكىمىنىڭ مىندەتىن اتقارۋشى س.مىقتىباەۆقا «ەسكەرتۋ» تۇرىندە پارتيالىق جازا تاعايىنداۋ تۋرالى شەشىم قابىلداندى. بۇل كوتەرىلگەن ماسەلە پارتيالىق باقىلاۋ كوميسسياسى تاراپىنان پارتيالىق باقىلاۋعا الىندى.
