بىلتىر حالىقارالىق كاراتە فەدەراتسياسى (WKF) رەيتينگكە سۇيەنىپ، الەمدەگى ۇزدىك كاراتەشىلەردى انىقتادى. سول تىزىمدە شىمكەنتتىك سپورتشى دارحان ءاسادىلوۆ كوش باستادى.
سپورتشى 9 517 ۇپايمەن 60 كەلىگە دەيىنگى سالماقتا ۇزدىك دەپ تانىلدى. ال ءاسادىلوۆتىڭ باستى قارسىلاستارى اندجەلو كرەچەنزو (يتاليا) مەن شامدان ەراي (تۇركيا) ەكىنشى جانە ءۇشىنشى ورىنداردى الدى.
بۇگىنگە دەيىن 60 كەلى سالماقتا سىنعا ءتۇسىپ جاتقان جەرلەسىمىز وليمپيادا رەيتينگىندە ۇزدىكتەر قاتارىنان كورىنىپ (600 سپورتشىنىڭ اراسىندا) ءحححىى جازعى وليمپيادا ويىندارىنا ليتسەنزيانى مەرزىمىنەن بۇرىن جەڭىپ العان بولاتىن.
ايتا كەتۋ كەرەك، بيىل كاراتە توكيو وليمپياداسىندا العاش رەت ۇسىنىلادى.
دارحان ءاسادىلوۆ ءوزىنىڭ سپورتتىق جولىندا 11 پرەمەر-ليگاعا قاتىسىپ، ونىڭ سەگىزىندە جەڭىسكە جەتتى. ول 1987 جىلى تۋعان. بويى 165 سم، جەكە جاتتىقتىرۋشى ش.قاجىمۇقان. قازاقستان رەسپۋبليكاسىنىڭ حالىقارالىق دارەجەدەگى سپورت شەبەرى.
"ادىرنا" ۇلتتىق پورتالى
