قۇقىق قورعاۋشىلار كارانتين تالاپتارىن ساقتاماعان كوپشىلىك ورىنداردى انىقتادى

2346
Adyrna.kz Telegram

قاراساي اۋدانىنىڭ پوليتسەيلەرى كارانتينگە قاراماستان ءوز جۇمىسىن جالعاستىرعان كافەلەردى انىقتادى. بۇل تۋرالى پوليتسيا دەپارتامەنتىنىڭ ءباسپاسوز قىزمەتى حابارلادى.

ەلىمىزدە كوروناۆيرۋس ىندەتىنىڭ ورشۋىنە بايلانىستى قاراساي اۋدانى پوليتسيا قىزمەتكەرلەرى مەن اكىمدىك وكىلدەرىنەن قۇرىلعان ءموبيلدى توپ اۋدان اۋماعىندا ورنالاسقان قوعامدىق تاماقتانۋ ورىندارىنىڭ، ءدامحانا مەن مەيرامحانالاردىڭ سانيتارلىق-كارانتيندىك ءتارتىپتىڭ بەلگىلەنگەن نورمالارىن ساقتاۋى بويىنشا تەكسەرۋ جۇمىستارىن جۇرگىزۋدە.

پوليتسەيلەر جۇرگىزگەن كەزەكتى رەيدتىك ءىس-شارا بارىسىندا قاسكەلەڭ قالاسىندا ورنالاسقان 3 ءدامحانا (كافە) انىقتالدى. ولار كارانتين تالاپتارىن ساقتاماي، ءوز جۇمىسىن قالىپتى رەجيمدە جالعاستىرعان. سونىمەن قاتار ولاردىڭ كەلۋشىلەردى كىرگىزۋ بارىسىندا دەنە قىزۋىن ولشەۋ جۇمىسىن جۇرگىزبەگەندىگى بەلگىلى بولدى.
انىقتالعان دەرەكتەرگە قاتىستى ماتەريالدار جيناقتالىپ، شارا قابىلداۋ ءۇشىن قاراساي اۋدانى بويىنشا سانيتاريالىق-ەپيدەميولوگيالىق باقىلاۋ باسقارماسىنا جولداندى.

وسىعان وراي، قاراساي اۋدانىنىڭ پوليتسيا قىزمەتكەرلەرى تۇرعىنداردان قۇقىق قورعاۋ ورگاندارىنىڭ ءىس-ارەكەتتەرىنە تۇسىنىستىكپەن قاراۋعا جانە ساقتىق شارالارىن ۇستانۋعا شاقىرادى.

پىكىرلەر