كوروناۆيرۋستىڭ ورشۋىنە بايلانىستى الماتى وبلىسى كوكسۋ اۋدانىندا قويىلعان 9 بلوكبەكەت قايتادان الىنىپ تاستالدى.
وسىلايشا اۋداننىڭ سانيتاريالىق دارىگەرىنىڭ قاۋلىسى قايتا وزگەردى. توعىز اۋىلدىڭ كىرەبەرىسىنە قويىلعان بلوكپوستاردىڭ نە سەبەپتى الىنىپ تاستالعانىن الماتى وبلىسىنىڭ سانيتاريالىق-ەپيدەميولوگيالىق باقىلاۋ دەپارتامەنتىنىڭ ءباسپاسوز قىزمەتى ءتۇسىندىردى.
"سانيتاريالىق-ەپيدەميولوگيالىق باقىلاۋ دەپارتامەنتى «قازاقستان رەسپۋبليكاسىنىڭ باس مەملەكەتتىك سانيتاريالىق دارىگەرىنىڭ قاۋلىلارىنا وزگەرىستەر مەن تولىقتىرۋلار ەنگىزۋ تۋرالى» 2021 جىلعى 12 ساۋىردەگى №13 قاۋلىسىنىڭ نەگىزىندە كارانتين شارالارىن قاتاڭداتۋ تۋرالى شەشىمدەردى قالىپتاسىپ وتىرعان ەپيدەميولوگيالىق جاعدايعا بايلانىستى وبلىستاردىڭ، الماتى، نۇر-سۇلتان، شىمكەنت قالالارىنىڭ، سونداي-اق حالىقتىڭ سانيتاريالىق-ەپيدەميولوگيالىق باقىلاۋ سالاسىنداعى قىزمەتتى جۇزەگە اسىراتىن باس مەملەكەتتىك سانيتاريالىق دارىگەرلەر قابىلدايتىنىن حابارلايدى. وسىعان بايلانىستى دەپارتامەنت كوكسۋ اۋدانىنىڭ باس مەملەكەتتىك سانيتاريالىق دارىگەرىنىڭ 9 ساۋىردەگى №54 قاۋلىسىنىڭ 14 ءساۋىر كۇنى ساعات 00-دەن باستاپ كۇشى جويىلاتىنىن مالىمدەيدى»، - دەلىنگەن ۆەدومستۆو حابارلاماسىندا.
ەندى اۋداندىق دەڭگەيدەگى سانيتاريالىق دارىگەرلەر كارانتين شارالارىن قاۋلىمەن قاتاڭداتا المايدى. تەك وبلىستىڭ باس سانيتاريالىق دارىگەرلەرىنە عانا مۇنداي قۇزىرەت بەرىلگەن. ايتا كەتەيىك، كوكسۋ اۋدانىنىڭ سانيتاريالىق دارىگەرى اۋداندا كوروناۆيرۋس جاعدايى كۇننەن-كۇنگە ۇلعايىپ بارا جاتقاندىقتان ءساۋىردىڭ 12 جۇلدىزىندا عانا 9 بلوكپوست قويعان بولاتىن. جالپى، اۋدانداعى احۋال بويىنشا ءساۋىر ايىندا كوروناۆيرۋس ينفەكتسياسىنىڭ 128 جاعدايى تىركەلگەن.
