بۇگىن رەسەيدە ەكى ءىرى وقيعا بولدى. ءبىرىنشىسى ءپۋتيننىڭ جىل سايىنعى حالىققا جولداۋى بولسا، ەكىنشىسى الەكسەي ناۆالنىيدىڭ جاقتاستارى بيلىككە قارسى نارازىلىق اكتسيالارىن ۇيىمداستىرىپ جاتىر. ءپۋتيننىڭ جولداۋى اياقتالسا، ناۆالنىي جاقتاستارىنىڭ ميتينگىسى ەل استاناسى ماسكەۋ مەن مادەني استانا پەتەربۋرگ قالاسىنا ەندى جەتتى.
نارازىلىق اكتسياسى ەلدىڭ قيىر شىعىسىندا باستالىپ، مىڭداعان ادامنىڭ قاتىسۋىمەن اياقتالدى. اكتسياعا قاتىسۋشىلار "پۋتين ۇرى", ء"بىز شارشادىق", "پۋتين كىسى ءولتىرۋشى", "ناۆالنىيعا بوستاندىق" دەپ ۇرانداتقان. ولار ءتۇرلى لوزۋنگتەر جازىلعان پلاكاتتاردى ۇستاپ، ءتىپتى ءپۋتيندى كەلەكە ەتكەن سۋرەتتەر سالىنعان تاقتايشالاردى كوتەرىپ جۇرگەن. قازىردىڭ وزىندە رەسەي بويىنشا نارازىلىق اكتسياسىندا ۇستالعاندار سانى 350 ادامنان استى.
قيىر شىعىس پەن ورتالىق رەسەيدەگى نارازىلىق اكتسيالارى اياقتالسا، ەل استاناسى ماسكەۋ مەن پەتەربۋرگ قالالارىندا ميتينگ ەندى باستالدى. ۇيىمداستىرۋشىلار بۇل جولى رەكورد ورنايتىنىنا سەنىمدى. ەكى قالادا قاۋىپسىزدىك شارالارىن كۇشەيتۋ ماقساتىندا دەگەن جەلەۋمەن بيلىك اسكەر كىرگىزىپ، كۇشتىك قۇرىلىم سانىن ارتتىرعان.
اسحات قاسەنعالي،
"ادىرنا" ۇلتتىق پورتالى
