رەسەيدىڭ اۋە-قورعانىس كۇشتەرى سيرياعا جويقىن سوققى بەردى
رەسەيدىڭ بومبالاۋشى ۇشاقتارى سيريانىڭ مەملەكەتتىك مەكەمەلەرىنە شابىۋلداۋعا دايىن وتىرعان ەكسترەميستتىك توپتاردىڭ ۇستىنەن اۋە كۇشتەرى ارقىلى سوققى جاسادى. سوققىنىڭ سالدارىنان 200 سودىردىڭ كوزى جويىلعان. مۇنى رەسەيدىڭ قورعانىس مينيسترلىگى رەسمي حابارلادى.
اتالعان جاعداي سيريانىڭ پالميرا قالاسىنىڭ سولتۇستىك-شىعىسىندا ورىن الدى. ۇشاقتاردىڭ بومبالاۋى كەزىندە سودىرلاردىڭ بىرنەشە جاسىرىن ورىندارى، كاليبرلى پۋلەمەتتەرى، 24 پيكاپى، 500 كەلىگە تارتا وق-دارىلەرى مەن جارىلعىش زاتتارىنىڭ كوزى جويىلعان.
وسىدان ءبىراز ۋاقىت بۇرىن رەسەي قورعانىس مينيسترلىگى سيريانىڭ ەت-تانف زوناسىندا سوعىسقا دايىندىق جاساپ جاتقان سودىرلاردىڭ ارەكەتىنە بارلاۋ جاساعان. سودىرلار سيريانىڭ مەملەكەتتىك مەكەمەلەرىنە تەرراكت جاساماق بولعان.
بەكبولات قارجان،
"ادىرنا" ۇلتتىق پورتالى
