ۆاكتسينا قاتەرلى ىسىك تۋدىرا ما؟

2196
Adyrna.kz Telegram

جەلىدە «COVID-19 ۆاكتسينالارى ءسۇت بەزى قاتەرلى ىسىگى بەلگىلەرىن تۋدىرادى» دەگەن فەيك اقپارات تارادى. بۇل تۋرالى stopfake.kz سايتى حابارلادى.

COVID-19 ۆاكتسينالارىنىڭ جاناما اسەرلەرى ءسۇت بەزى قاتەرلى ىسىگىنىڭ بەلگىلەرىنە وتە ۇقساس بولۋى مۇمكىن دەگەن حابارلامالار قازاقستاندىقتاردى الاڭداتىپ وتىر.

كەيبىرەۋلەرىنىڭ پىكىرىنشە، بۇل ەكپەلەردىڭ ءىس جۇزىندە ونكولوگيالىق اۋرۋلاردىڭ ورشۋىنە سەبەپ بولۋىنىڭ بەلگىسى. ارينە، بۇل ولاي ەمەس. ۇستىمىزدەگى جىلدىڭ 18 قاڭتارىندا Clinical Imaging جۋرنالىندا جاريالانعان «COVID-19 قارسى ۆاكتسينا اياسىندا ءبىر جاقتى قولتىقاستى ادەنوپاتيا» ماقالاسى الاۋداۋشىلىققا سەبەپ بولدى.

وندا COVID-19 قارسى ۆاكتسيناتسياسىنان كەيىن ءتورت ايەل مەديتسينالىق كومەككە جۇگىنگەنى جازىلعان. ولار پرەپاراتتىڭ ەكىنشى دوزاسىن العاننان كەيىن بىرنەشە كۇن وتكەن سوڭ ولار قولتىقاستى شۇقىرىنىڭ ليمفا تۇيىندەرىنىڭ كولەمى ۇلعايعانىن بايقاعان.

ليمفا تۇيىندەرىنىڭ ۇلعايۋى ءسۇت بەزى قاتەرلى ىسىگىنىڭ بەلگىلەرىنىڭ ءبىرى بولۋى مۇمكىن، بىراق بۇل قاتەرلى ىسىكتەردىڭ ناقتى ينديكاتورى ەمەس. ماممولوگقا ۋاقتىلى جۇگىنۋ ءۇشىن ايەل ءسۇت بەزدەرىنىڭ كولەمى مەن ءپىشىنىنىڭ وزگەرۋىنە، ءبولىنىپ شىققان زاتتارعا جانە كەۋدە ايماعىنداعى بورتپەلەرگە نازار اۋدارۋعا كەڭەس بەرەدى.

سيپاتتالعان بەلگىلەردىڭ بارلىعى بولسا دا، دارىگەر تولىق تەكسەرىپ، بارلىق قاجەتتى تالداۋلاردى العاننان كەيىن عانا ناقتى دياگنوز قويا الادى. COVID-19 قارسى ۆاكتسيناتسيادان كەيىن كومەككە جۇگىنگەن ءتورت ايەلدىڭ ەشقايسىسىندا ءسۇت بەزى قاتەرلى ىسىگى انىقتالعان جوق.

سونىمەن قاتار، دارىگەرلەر ۆاكتسينا العاننان كەيىن ليمفا تۇيىندەرىنىڭ ۇلعايۋى تاڭقالارلىق جايت ەمەس دەگەن ورتاق پىكىردە.

«ليمفا تۇيىندەرىنىڭ كولەمى ۇلعايۋى مۇمكىن. ادەتتە، ولار پرەپارات ەككەن جاقتان وسەدى»، – دەيدى ۆيردجينيا گوسپيتالىنىڭ ينفەكتسيونيستى دجەننيفەر پريمەدجيا.

جالپى العاندا، ليمفا تۇيىندەرى ازداپ ءوسىپ، سودان كەيىن بۇرىنعى قالپىنا تۇسسە، مۇنداي جاناما اسەر زيانسىز. ءدال وسىنداي اسەردى كەيدە بتسج ۆاكتسيناسىن العان بالالاردا دا بايقالادى. ۆاكتسينانىڭ جاناما اسەرى تۋرالى اقپاراتپەن قوسا اۋىر مەتالدار مەن زياندى كومپونەنتتەردىڭ بولۋىنا بايلانىستى جالپى ۆاكتسينالاردىڭ قاۋىپتىلىگى تۋرالى مالىمدەمەلەر تاراتىلۋدا.

بۇل تەزيستەر بىرنەشە رەت تەرىسكە شىعارىلدى جانە جالعان دەپ تانىلدى. ۆاكتسينالار يممۋنيتەتتى تومەندەتپەيدى، كەرىسىنشە تۋبەركۋلەز، قىزىلشا، شەشەك، سىرەسپە جانە ت.ب. قاۋىپتى جانە ولىمگە اكەلەتىن اۋرۋلارمەن كۇرەسۋگە كومەكتەسەدى.

پىكىرلەر