ەلوردادا ءساۋىر ايىندا تەك ەلوردا تۇرعىندارىن عانا ەمەس، سونىمەن قاتار ەلدىڭ باسقا ايماقتارىنان كەلگەن ازاماتتارىن جاپپاي ۆاكتسيناتسيالاۋ باستالدى.
ەلوردا اكىمدىگىنىڭ مالىمەتىنشە، ءساۋىر ايىنىڭ باسىنان بەرى 47 مىڭعا جۋىق ادام ۆاكتسيناتسيالانعان. سونداي-اق، تۇرۋعا ىقتيارحاتى بار قازاقستان رەسپۋبليكاسىنىڭ اۋماعىندا جۇمىس ىستەيتىن جانە تۇراتىن شەتەلدىكتەرگە ۆاكتسينا ەگۋگە رۇقسات ەتىلدى.
حالىقتى ۆاكتسينالارمەن كەڭ قامتۋ ءۇشىن قالا اكىمى التاي كولگىنوۆتىڭ تاپسىرماسى بويىنشا ۆاكتسيناتسيالاۋ پۋنكتتەرىنىڭ سانى 36-دان 100-گە، جۇمىس ۋاقىتى 8: 00-دەن 24: 00-گە دەيىن، مەديتسينالىق-سانيتارلىق كومەك كورسەتۋ ۇيىمدارى، ساۋدا جانە ويىن-ساۋىق ورتالىعىندا - 10: 00-دەن 22: 00-گە دەيىن ۇزارتىلدى.
سونداي-اق، ۆاكتسيناتسيا ايماقتارى قالاداعى ەكى ءىرى ساۋدا جانە ويىن-ساۋىق ورتالىقتارىندا - «Mega Silk Way» جانە «حان شاتىردا» ۇيىمداستىرىلدى. مىسالى، Mega Silk Way ساۋدا-ويىن-ساۋىق ورتالىعىندا ازاماتتاردى ءبىر اپتالىق قابىلداۋ ءۇشىن 1700-دەن استام ادام ۆاكتسيناتسيا الدى. ەكىنشى ساۋدا-ويىن-ساۋىق ورتالىعى - «حان شاتىر» بۇگىن (19 ءساۋىر) ازاماتتاردى جاپپاي ۆاكتسيناتسيالاي باستادى. جاقىن ۋاقىتتا مۇنداي پۋنكتتەر «كەرۋەن» ساۋدا ويىن-ساۋىق ورتالىعىندا جانە ابۋ-دابي پلازا كەشەنىندە اشىلادى. قاجەت بولسا، قالانىڭ قوناق ۇيلەرىندە ۆاكتسيناتسيا پۋنكتتەرى دە اشىلادى.
حالىقتىڭ COVID-19-قا قارسى ۆاكتسينا الۋ بەلسەندىلىگى جوعارى بولعاندىقتان، دەنساۋلىق ساقتاۋ باسقارماسى ەڭبەك ۇجىمدارىنا جاپپاي ۆاكتسيناتسيالاۋدى باستاعان ءموبيلدى توپتار ۇيىمداستىردى. ءار ءتۇرلى كاسىپورىنداردا COVID-19 ۆاكتسيناسىن العىسى كەلەتىندەردىڭ سانى 1000 ادامعا دەيىن جەتەدى. جالپى، قازىردىڭ وزىندە قالادا 60 مىڭعا جۋىق ادامعا ەكپە ەگىلدى.
"ادىرنا" ۇلتتىق پورتالى
