قازاقستاندا 1 ميلليوننان استام ادام كوممۋنالدىق قىزمەتتەردىڭ جارتىسىن عانا تولەي الادى. الايدا وسى جەڭىلدىكتى حالىقتىڭ 5 پروتسەنتى عانا پايدالانىپ وتىر، دەپ حابارلايدى “ادىرنا” ۇلتتىق پورتالى Sputnik.kz سايتىنا سىلتەمە جاساپ.
ەنەرگەتيكا ۆيتسە-ءمينيسترى قايرات راحىموۆتىڭ ايتۋىنشا، بۇگىندە حالىقتىڭ باسىم بولىگى كوممۋنالدىق قىزمەتتەر بويىنشا جەڭىلدىك الۋعا بولاتىنىن بىلمەيدى. تۇرعىن ءۇي كومەگى اياسىندا شىعىنداردىڭ جارتىسى مەملەكەت ەسەبىنەن وتەلەدى. وسىلاي دەگەن ۆيتسە-مينيستر 2019 جىلا تەك 54 مىڭ وتباسى عانا تۇرعىن ءۇي كومەگىنە ءوتىنىش بەرگەنىن، ال وتكەن جىلى ونداي وتباسىلاردىڭ سانى 36 مىڭنان دا اسپاعانىن اتاپ ءوتتى.
ء"بىز ەڭبەك جانە حالىقتى الەۋمەتتىك قورعاۋ مينيسترلىگىمەن بىرگە ەسەپ-قيساپ جاسادىق. قازىرگى كەزدە ونداي جەڭىلدىك الۋعا قۇقىلى ابونەنتتەردىڭ سانى 1 ميلليون ادامنان اسىپ وتىر", – دەدى راحىموۆ ورتالىق كوممۋنيكاتسيالار قىزمەتىندە وتكەن ونلاين بريفينگتە.
ونىڭ ايتۋىنشا، تۇرعىن ءۇي تولەمىن الۋ ءۇشىن حالىققا قىزمەت ورتالىعىنا بارىپ، ءوتىنىش بەرۋگە بولادى. بۇدان بولەك، egov.kz پورتالى ارقىلى ونلاين رەجيمدە ءتيىستى قۇجاتتاردى جىبەرۋگە مۇمكىندىك بار.
ۇكىمەتتىڭ تۇرعىن ءۇي كومەگىن كورسەتۋ تۋرالى ەرەجەسى ون ەكى جىل بۇرىن بەكىتىلگەن. وندا كومەك كورسەتۋدىڭ ناقتى ءتارتىبى جازىلعان. تۇرعىن ءۇي كومەگى – بۇل كوممۋنالدىق قىزمەتتەردىڭ ءبىر بولىگىن جابۋعا ارنالعان تولەم. ونىڭ بەكىتىلگەن مولشەرى جوق جانە ءار ايماقتا ءارتۇرلى بولادى. تۇرعىن ءۇي كومەگىن تۇرمىسى تومەن وتباسىلار عانا الا الادى. ونداي ادامدار بىرنەشە تالاپقا ساي بولۋى شارت.
ولار:
وتباسىنىڭ ادام باسىنا شاققانداعى اي سايىنعى تابىسى ەڭ تومەنگى كۇنكورىس دەڭگەيىنەن (34 302 تەڭگە – Sputnik) اسپاۋى ءتيىس;
وتباسىدا جەكە مەنشىك نەمەسە جالعا العان ءبىر عانا پاتەر بولۋى قاجەت;
تۇرعىلىقتى جەرى بويىنشا تۇراقتى تىركەۋدە تۇرۋ كەرەك.
"ماسەلەن، ءبىر وتباسىدا ءتورت ادام بار دەيىك، وتاعاسى عانا جۇمىس ىستەيدى. اي سايىنعى تابىسى – 100 000 تەڭگە. ايەلى جانە كامەلەت جاسقا تولماعان ەكى بالاسى بار. ولار جۇمىس ىستەمەيدى. زاڭ بويىنشا وسى وتباسى كوممۋنالدىق قىزمەتتەردىڭ جارتىسىن عانا تولەي الادى. قالعانى مەملەكەت تاراپىنان وتەلەدى. سەبەبى 100 000 تەڭگەنى ءتورت ادامعا بولسەك، اربىرەۋىنە 25 000 شىعادى. دەمەك، وتباسىنىڭ ادام باسىنا شاققانداعى اي سايىنعى تابىسى ەڭ تومەنگى كۇنكورىس دەڭگەيىنەن اسپاي تۇر", – دەيدى ۆيتسە-مينيستر راحىموۆ.
زاڭ بويىنشا تۇرمىسى تومەن وتباسىنىڭ كوممۋنالدىق شىعىندارعا كەتەتىن اقشانىڭ شەكتى كولەمىن ءماسليحاتتار انىقتايدى. ونىڭ مولشەرى اي سايىنعى تابىستىڭ 5-20 پروتسەنتىن قۇرايدى. مىسالى، الماتىدا 5 پروتسەنتتىك مەجە قويىلعان. دەمەك، ءتورت ادامنان تۇراتىن وتباسىنىڭ اي سايىنعى تابىسى 100 000 تەڭگە بولسا، سونىڭ 5 پروتسەنتى، ياعني 5 مىڭ تەڭگەسى عانا كوممۋنالدىق شىعىندارعا ارنالعان. ال ودان ارتىلعان اقشانى مەملەكەت تولەپ بەرەدى.
وسى ورايدا ماڭىزدى ءبىر ماسەلەنى اتاپ وتكەن ءجون. ەگەر كامەلەتكە تولعان وتباسىنىڭ ءبىر مۇشەسى جۇمىس ىستەمەگەن جاعدايدا، سونداي-اق وقۋعا دا، اسكەرگە دە بارماسا، تۇرعىن ءۇي كومەگى بەرىلمەيدى.
سول سياقتى جۇمىسسىز ادام مەملەكەت ۇسىنعان جۇمىستان جانە قايتا دايارلاۋ كۋرسىنان سەبەپسىز باس تارتسا، وتباسىنىڭ كوممۋنالدىق شىعىندارى وتەلمەيدى. ال ەرەسەك ادام 80 جاستان اسقان قاريالارعا، 7 جاسقا دەيىنگى بالالارعا نەمەسە مۇگەدەكتەرگە قاراپ جۇرسە، جەڭىلدىكتەن قاعىلمايدى. تۇرعىن ءۇي كومەگىن الادى.
اكىمدىكتەن الىنعان جالدامالى باسپانانىڭ اقىسى;
پيك/باسقارۋ كومپانياسىنىڭ قىزمەتتەرى (كوندومينيۋمدى ۇستاپ تۇرۋعا، ءۇيدى كۇردەلى جوندەۋگە جانە تاعى باسقا شىعىندار);
كوممۋنالدىق قىزمەتتەر (ەلەكتر ەنەرگياسى، گاز، قوقىس شىعارۋ، سۋىق جانە ىستىق سۋ، جىلۋ مەن كاناليزاتسيا).
تۇرعىن ءۇي كومەگى ينتەرنەت، دوموفون، بەينەباقىلاۋ، كابەلدى تەلەديدار مەن كىرەبەرىستى جيناۋ قىزمەتتەرىنە تەسىلى ەمەس. سوسىن اعىمداعى شىعىندار عانا وتەلەدى. بۇرىنعى قارىزدار جابىلمايدى.
تۇرعىن ءۇي كومەگىن حالىققا قىزمەت كورسەتۋ ورتالىعىندا راسىمدەۋگە بولادى. ال ۇيدەن شىققىسى كەلمەيتىندەر egov.kz پورتالى ارقىلى ءوتىنىش جىبەرە الادى. ول ءۇشىن ەلەكتروندى تسيفرلىق قولتاڭبا قاجەت.
قۇجاتتار ءتىزىمى:
ءوتىنىش;
جەكە كۋالىك;
تابىس تۋرالى انىقتاما;
كوممۋنالدىق قىزمەتتەر بويىنشا تۇبىرتەكتىڭ كوشىرمەسى;
بانك ەسەپشوتىنىڭ رەكۆيزيتتەرى;
جىلجىمايتىن مۇلىكتىڭ بار-جوعى تۋرالى انىقتاما;
جۇمىس ورنىنان انىقتاما نەمەسە جۇمىسسىز تىركەلگەنى تۋرالى قۇجات;
بالالارعا اليمەنت تولەنەتىنى تۋرالى مالىمەت;
زەينەتاقى جارنالارى تۋرالى انىقتاما.
قازىرگى كەزدە وسى ءتىزىم ءتورت قۇجاتقا دەيىن قىسقارتىلدى. ماماندار قالعان قۇجاتتاردى اقپاراتتىق بازا ارقىلى وزدەرى الا بەرەدى. ءوتىنىشتى قاراۋ مەرزىمى – سەگىز جۇمىس كۇنى. تۇرعىن ءۇي تولەمى ونى الاتىن ادامنىڭ ەسەپشوتىنا اۋدارىلىپ وتىرادى.
سونداي-اق، ءۇش اي سايىن قۇجاتتاردى جاڭارتىپ وتىرۋ قاجەت.
