قر پرەزيدەنتىنىڭ ءباسپاسوز قىزمەتى كەلەسى وبلىس باسشىلارى اۋىسقانىن مالىمدەيدى.
- سولتۇستىك قازاقستان وبلىسىنىڭ اكىمى بولىپ، پرەزيدەنت اكىمشىلىگىنىڭ باسقارما باسشىسىنىڭ ورىنباسارى قۇمار اقساقالوۆ تاعايىندالدى. ول 2014 جىلدىڭ 27 مامىرىنان باستاپ اكىم بولعان ەرىك سۇلتانوۆتىڭ ورنىنا كەلدى.
2. اقمولا وبلىسىنىڭ اكىمى بولىپ پرەزيدەنت اكىمشىلىگىنىڭ باسقارما باسشىسىنىڭ ورىنباسارى مالىك مىرزالين تاعايىندالدى.
مىرزالين بۇل قىزمەتكە سەرگەي كۋلاگيننىڭ ورنىنا كەلدى.
3. ماڭعىستاۋ وبلىسىنا جۇمىس ساپارىمەن بارعان پرەمەر-مينيستر باقىتجان ساعىنتاەۆ وتىرىس بارىسىندا ءماسليحات دەپۋتاتتارىنا باعىتتالعان، وبلىس اكىمىنىڭ لاۋازىمىنا توعجانوۆ ەرالى لۇقپانۇلىنىڭ كانديداتۋراسىن ۇسىنۋ تۋرالى مەملەكەت باسشىسىنىڭ حاتىن وقىپ بەردى.
دەپۋتاتتار ءبىراۋىزدان پرەزيدەنت ۇسىنعان كانديداتۋرانى قولدادى.
ەرالى توعجانوۆ بۇعان دەيىن قازاقستان حالقى اسسامبلەياسى توراعاسىنىڭ ورىنباسارى قىزمەتىندە بولدى.
بۇل قىزمەتتە بۇعان دەيىن اليك ايدارباەۆ بولعان ەدى
4. ەرلان قوشانوۆتى قاراعاندى وبلىسىنىڭ اكىمى قىزمەتىنە تاعايىندادى. ول نۇرمۇحامبەت ابدىبەكوۆتىڭ ورنىنا جايعاستى.
ەرلان جاقانۇلى قوشانوۆ 1962 جىلى جەزقازعان وبلىسىنداعى شەت اۋدانىنىڭ اقسۋ-ايۋلى اۋىلىندا تۋعان.
قاراعاندى پوليتەحنيكالىق ينستيتۋتىنىڭ جەزقازعان فيليالىن (1984), كسرو سىرتقى ساۋدا اكادەمياسى جانىنداعى جوعارى كوممەرتسيالىق مەكتەپتى (1991) جانە قازاق مەملەكەتتىك باسقارۋ اكادەمياسىن (1999) بىتىرگەن، ماماندىعى بويىنشا – ينجەنەر مەحانيك جانە ەكونوميست. ەڭبەك جولىن «جەزقازعانتۇستىمەتالل» عوب بايىتۋ فابريكاسىنىڭ سلەسارى، شەبەرى (1986-1988) بولىپ باستادى. قلكجو جەزعازقان وبلىستىق كوميتەتىنىڭ نۇسقاۋشىسى، ءبولىم مەڭگەرۋشىسى (1988-1990), جەزقازعان وبلىستىق سىرتقى-ەكونوميكالىق بايلانىس كوميتەتىنىڭ جەتەكشى، باس مامانى، ءبولىم باستىعى، توراعانىڭ ورىنباسارى، توراعاسى بولدى (1990-1995), قازاقستان رەسپۋبليكاسى پارلامەنتىندەگى قر ۇكىمەتىنىڭ وكىلى (1999-2003), قر پرەمەر-ءمينيسترى كەڭسەسى باسشىسىنىڭ ورىنباسارى (2001-2003), قر كولىك جانە كوممۋنيكاتسيا ۆيتسە-ءمينيسترى (2003-2006), قر كولىك جانە كوممۋنيكاتسيا مينيسترلىگىنىڭ ازاماتتىق اۆياتسيا كوميتەتىنىڭ توراعاسى (2006-2007), قر پرەمەر-ءمينيسترىنىڭ كەڭسەسى باسشىسىنىڭ ورىنباسارى – ۇكىمەتتىڭ پارلامەنت ماجىلىسىندەگى وكىلى (2007 جىلدان باستاپ) بولدى.
سونداي-اق «قازاقستاننىڭ ينۆەستيتسيالىق قورى» اق ديرەكتورلار كەڭەسىنىڭ مۇشەسى (2004 جج. باستاپ), «استانا حالىقارالىق اۋەجايى» اق ديرەكتورلار كەڭەسىنىڭ توراعاسى (2005 جىلدان). قر پارلامەنتى سەناتىنىڭ دەپۋتاتى (1995-1999) بولىپ سايلاندى. بەسىنشى شاقىرىلعان قر پارلامەنتى ءماجىلىسى دەپۋتاتتىعىنا «نۇر وتان» حدپ پارتيالىق ءتىزىمى بويىنشا كانديدات (07.12.2011) بولدى. «نۇر وتان» حالىقتىق-دەموكارتيالىق پارتياسىنىڭ مۇشەسى.
"ادىرنا." كز
