Blokbeketter alynyp tastaldy

1041

Koronavırýstyń órshýine baılanysty Almaty oblysy Kóksý aýdanynda qoıylǵan 9 blokbeket qaıtadan alynyp tastaldy.

Osylaısha aýdannyń sanıtarııalyq dárigeriniń qaýlysy qaıta ózgerdi. Toǵyz aýyldyń kireberisine qoıylǵan blokpostardyń ne sebepti alynyp tastalǵanyn Almaty oblysynyń sanıtarııalyq-epıdemıologııalyq baqylaý departamentiniń baspasóz qyzmeti túsindirdi.

"Sanıtarııalyq-epıdemıologııalyq baqylaý departamenti «Qazaqstan Respýblıkasynyń Bas memlekettik sanıtarııalyq dárigeriniń qaýlylaryna ózgerister men tolyqtyrýlar engizý týraly» 2021 jylǵy 12 sáýirdegi №13 qaýlysynyń negizinde karantın sharalaryn qatańdatý týraly sheshimderdi qalyptasyp otyrǵan epıdemıologııalyq jaǵdaıǵa baılanysty oblystardyń, Almaty, Nur-sultan, Shymkent qalalarynyń, sondaı-aq halyqtyń sanıtarııalyq-epıdemıologııalyq baqylaý salasyndaǵy qyzmetti júzege asyratyn Bas memlekettik sanıtarııalyq dárigerler qabyldaıtynyn habarlaıdy. Osyǵan baılanysty departament Kóksý aýdanynyń Bas memlekettik sanıtarııalyq dárigeriniń 9 sáýirdegi №54 qaýlysynyń 14 sáýir kúni saǵat 00-den bastap kúshi joıylatynyn málimdeıdi», - delingen vedomstvo habarlamasynda.

Endi aýdandyq deńgeıdegi sanıtarııalyq dárigerler karantın sharalaryn qaýlymen qatańdata almaıdy. Tek oblystyń bas sanıtarııalyq dárigerlerine ǵana mundaı quziret berilgen. Aıta keteıik, Kóksý aýdanynyń sanıtarııalyq dárigeri aýdanda koronavırýs jaǵdaıy kúnnen-kúnge ulǵaıyp bara jatqandyqtan sáýirdiń 12 juldyzynda ǵana 9 blokpost qoıǵan bolatyn. Jalpy, aýdandaǵy ahýal boıynsha sáýir aıynda koronavırýs ınfekııasynyń 128 jaǵdaıy tirkelgen.

Pikirler
Uqsas jańalyqtar