«اق جول» جۇمىس ىستەپ تۇرعان كولىك پاركتەرىنە قاجەتتى سۋبسيديالاردى تولەۋدى تالاپ ەتەدى

1022

«اق جول» جۇمىس ىستەپ تۇرعان كولىك پاركتەرىنە قاجەتتى سۋبسيديالاردى تولەۋدى تالاپ ەتەدى. بۇل تۋرالى بۇگىن ءماجىلىس دەپۋتاتى سەرىك ەرۋباەۆ فراكتسيا اتىنان جولداعان دەپۋتاتتىق ساۋالىندا مالىمدەدى. 

قر پرەمەر-ءمينيسترىنىڭ

 ورىنباسارى

ر.ۆ. سكليارعا

بۇل دەپۋاتاتتىق ساۋالعا «اق جول» دەموكراتيالىق پارتياسىنا ەلىمىزدىڭ اۆتوبۋس تاسىمالى سالاسىنداعى كاسىپ يەلەرىنەنەن كەلىپ تۇسكەن كوپتەگەن ارىز-شاعىمدار تۇرتكى بولدى.

بۇكىل الەمدە قوعامدىق كولىك شىعىندى سالا بولىپ تابىلاتىنى بارىمىزگە بەلگىلى. بۇل سالاعا مەملەكەت ەرىكسىز شىعىنداردى جابۋ كەپىلدىگىمەن، جەكە تاسىمالداۋشىلاردى تارتادى.

قازاقستاندا تۇراقتى قالالىق، قالا ماڭىنداعى جانە اۋىلدىق مارشرۋتتارعا قىزمەت كورسەتۋ كەزىندە كاسىپورىن شىعىندارىن بيۋدجەت قاراجاتىنان سۋبسيديالاۋ مىندەتى                                                                          «كولىك تۋرالى» جانە «اۆتوموبيل كولىگى تۋرالى» زاڭدار، سونداي-اق بىرقاتار نورماتيۆتىك قۇقىقتىق اكتىلەردىڭ نورمالارىنا سايكەس، جەرگىلىكتى اتقارۋشى ورگاندارعا جۇكتەلگەن.

الايدا، تاۋەلسىزدىكتىڭ بارلىق جىلدارىندا زاڭناما تالاپتارى، جالعىز-جارىم ەرەكشەلىكتەردى قوسپاعاندا، بۇل سالادا تولىق ورىندالماعان، سۋبسيديالاۋ ەشقاشان جۇزەگە اسىرىلماعان.

بۇل اۋداندار مەن قالالاردا تۇراقتى اۆتوبۋس تاسىمالدارىن مۇشكىل جاعدايعا اكەلدى جانە دە بارلىق جەكە اۆتوپاركتەر بانكروتقا ۇشىراۋ الدىندا تۇر.

تاجىريبەلى قىزمەتكەرلەر لايىقتى جالاقى ىزدەپ، جاپپاي جۇمىستان كەتۋدە. قالعان جۇرگىزۋشىلەر ۇنەمى جۇمىستى ارتىعىمەن ىستەپ، وسىعان بايلانىستى جول-كولىك وقيعالارىنىڭ قاۋپى ارتۋدا.

جوعارىدا اتالعان ءجايىپتى تۇسىنە وتىرىپ، ۇكىمەت 2018 جىلى «اۆتوبۋس تاسىمالدارىن دامىتۋ جونىندە كەشەندى باعدارلاما» قابىلدادى، وندا تاسىمالداردى تولىق كولەمدە سۋبسيديالاۋ، اۆتوبۋس پاركىن جاڭارتۋ، ەلەكتروندىق بيلەتتەۋ جۇيەسىن ەنگىزۋ، زاڭسىز تاسىمالداۋشىلارعا قارسى كۇرەس جونىندەگى شارالار قامتىلعان.

الايدا، باعدارلاما ءىس جۇزىندە ءساتسىز اياقتالدى. الەۋمەتتىك ماڭىزى بار سالانى  سۋبسيديالاۋ 2019 جىلى عانا باستالدى. 2020 جىلدىڭ وزىندە كەيبىر وبلىستاردا 2021-2023 جىلدارعا ارنالعان بيۋدجەتتى بەكىتۋ كەزىندە سۋبسيديالاۋعا ارنالعان شىعىستار قاراستىرىلماعان.

اقتوبە، قوستاناي، پاۆلودار، پەتروپاۆل، وسكەمەن قالالارىنىڭ جەرگىلىكتى اتقارۋشى ورگاندارى سۋبسيديا تولەمەۋ ءۇشىن تۇراقتى مارشرۋتتاردى الەۋمەتتىك ماڭىزى بار دەپ تانىمادى. اقتاۋدا بۇل 2020 جىلدىڭ 11 جەلتوقسانىندا جۇزەگە اسىرىلدى.

بىرقاتار وڭىرلەردە مەملەكەتتىك ورگاندار ماقساتتى تۇردە جەكە اۆتوپاركتەردى ىعىستىرىپ، «شىمكەنت باس»، «اقجايىق اۆتوپاركى» سياقتى كۆازيمەملەكەتتىك كاسىپورىندار قۇرۋدا.

بىراق مۇنداي جاعدايدىڭ وزىندە دە بۇل مەكەمەلەردىڭ شارۋاشىلىق قىزمەتىنە ارالاسىپ، سۋبسيديالار تولەۋ جونىندەگى ءوز مىندەتتەمەلەرىن ورىنداماي وتىر.

بۇعان مىسال «سەمەي باس» جاۋاپكەرشىلىگى شەكتەۋلى شاعىن كاسىپورىنىندا ورىن العانداي سۋبسيديالار بيۋدجەتتە قاراستىرىلعان بولسا دا، اكىمدىكتەر اۆتوپاركتى ساتسىزدىكتەر ءۇشىن كىنالاپ، وزدەرىنە زاڭدارمەن، مەملەكەتتىك باعدارلامامەن، شارتتارمەن جۇكتەلگەن سۋبسيديالار (تولەۋ) جونىندەگى ءوز مىندەتتەرىن ورىنداماي، مەكەمەنى بانكروتتىققا دەيىن جەتكىزىلۋى.

سوندىقتان وڭىرلەردە ازىپ-توزعان اۆتوپاركتەردىڭ جۇمىسىن توقتاتۋ تۋرالى جۇرگىزۋشىلەردىڭ تاراپىتانان مەزگىل-مەزگىل جانجالدار ءورشىپ تۇر.

وكىنىشكە وراي، جالعىز جاقسى مىسال: قاراعاندى وبلىسى مەن قاراعاندى قالاسىن كەلتىرۋگە بولادى، مۇندا سۋبسيديالار بىرنەشە جىلدار بويى زاڭناماعا سايكەس تولەنۋدە.

جالپى، قوعامدىق كولىكتىڭ نەگىزگى پروبلەمالارى شەشىلمەگەن كۇيىندە قالىپ وتىر. 2020 جىلعى 24 قاڭتاردا وتكەن ۇكىمەت وتىرىسىندا قازاقستان پرەزيدەنتى مەملەكەتتىك ورگانداردىڭ ارەكەتسىزدىگىن سىنعا الىپ، «ەكى اي ىشىندە قالالىق جولاۋشىلار تاسىمالى سالاسىندا ءتارتىپ ورناتۋ جانە ولاردى سۋبسيديالاۋ پروبلەمالارىن جۇيەلى تۇردە شەشۋ» تاپسىرماسىن بەردى.

2020 جىلعى 25 قاراشادا ۇكىمەت «قازاقستان رەسپۋبليكاسىندا اۆتوموبيل كولىگىندە قالالىق جولاۋشىلار تاسىمالىن دامىتۋ جونىندەگى شارالار كەشەنىن بەكىتۋ تۋرالى» 2020-2022 جىلدارعا ارنالعان وكىم شىعاردى.

بۇل قۇجات ءىس جۇزىندە جۇزەگە اسپاعان 2018-2020 جىلدارعا ارنالعان الدىڭعى «كەشەندى باعدارلامانى» قايتالايدى، وسى باعدارالامانى ورىنداماعان ءۇشىن ەشكىم ەشقانداي جاۋاپقا تارتىلعان جوق.

وسىعان بايلانىستى «اق جول» دەموكراتيالىق پارتياسىنىڭ فراكتسياسى:

اۆتوبۋس تاسىمالىنداعى كۇردەلى جاعدايدى ساۋىقتىرۋ، سونىڭ ىشىندە جۇمىس ىستەپ تۇرعان اۆتوپاركتەرگە تيەسىلى سۋبسيديالاردى تولەۋ جونىندە شۇعىل شارالاردى قابىلداۋدى سۇرايدى.

 

قۇرمەتپەن،

 «اق جول» فراكتسياسىنىڭ دەپۋتاتتارى

 

پىكىرلەر
رەداكتسيا تاڭداۋى