«Aq jol» jumys istep turǵan kólik parkterine qajetti sýbsıdııalardy tóleýdi talap etedi. Bul týraly búgin Májilis depýtaty Serik Erýbaev frakııa atynan joldaǵan depýtattyq saýalynda málimdedi.
QR Premer-Mınıstriniń
orynbasary
R.V. Sklıarǵa
Bul depýatattyq saýalǵa «Aq jol» demokratııalyq partııasyna elimizdiń avtobýs tasymaly salasyndaǵy kásip ıelerinenen kelip túsken kóptegen aryz-shaǵymdar túrtki boldy.
Búkil álemde qoǵamdyq kólik shyǵyndy sala bolyp tabylatyny bárimizge belgili. Bul salaǵa memleket eriksiz shyǵyndardy jabý kepildigimen, jeke tasymaldaýshylardy tartady.
Qazaqstanda turaqty qalalyq, qala mańyndaǵy jáne aýyldyq marshrýttarǵa qyzmet kórsetý kezinde kásiporyn shyǵyndaryn bıýdjet qarajatynan sýbsıdııalaý mindeti «Kólik týraly» jáne «Avtomobıl kóligi týraly» zańdar, sondaı-aq birqatar normatıvtik quqyqtyq aktilerdiń normalaryna sáıkes, jergilikti atqarýshy organdarǵa júktelgen.
Alaıda, táýelsizdiktiń barlyq jyldarynda zańnama talaptary, jalǵyz-jarym erekshelikterdi qospaǵanda, bul salada tolyq oryndalmaǵan, sýbsıdııalaý eshqashan júzege asyrylmaǵan.
Bul aýdandar men qalalarda turaqty avtobýs tasymaldaryn múshkil jaǵdaıǵa ákeldi jáne de barlyq jeke avtoparkter bankrotqa ushyraý aldynda tur.
Tájirıbeli qyzmetkerler laıyqty jalaqy izdep, jappaı jumystan ketýde. Qalǵan júrgizýshiler únemi jumysty artyǵymen istep, osyǵan baılanysty jol-kólik oqıǵalarynyń qaýpi artýda.
Joǵaryda atalǵan jáıipti túsine otyryp, Úkimet 2018 jyly «Avtobýs tasymaldaryn damytý jóninde keshendi baǵdarlama» qabyldady, onda tasymaldardy tolyq kólemde sýbsıdııalaý, avtobýs parkin jańartý, elektrondyq bıletteý júıesin engizý, zańsyz tasymaldaýshylarǵa qarsy kúres jónindegi sharalar qamtylǵan.
Alaıda, Baǵdarlama is júzinde sátsiz aıaqtaldy. Áleýmettik mańyzy bar salany sýbsıdııalaý 2019 jyly ǵana bastaldy. 2020 jyldyń ózinde keıbir oblystarda 2021-2023 jyldarǵa arnalǵan bıýdjetti bekitý kezinde sýbsıdııalaýǵa arnalǵan shyǵystar qarastyrylmaǵan.
Aqtóbe, Qostanaı, Pavlodar, Petropavl, Óskemen qalalarynyń jergilikti atqarýshy organdary sýbsıdııa tólemeý úshin turaqty marshrýttardy áleýmettik mańyzy bar dep tanymady. Aqtaýda bul 2020 jyldyń 11 jeltoqsanynda júzege asyryldy.
Birqatar óńirlerde memlekettik organdar maqsatty túrde jeke avtoparkterdi yǵystyryp, «Shymkent Bas», «Aqjaıyq avtoparki» sııaqty kvazımemlekettik kásiporyndar qurýda.
Biraq mundaı jaǵdaıdyń ózinde de bul mekemelerdiń sharýashylyq qyzmetine aralasyp, sýbsıdııalar tóleý jónindegi óz mindettemelerin oryndamaı otyr.
Buǵan mysal «Semeı Bas» Jaýapkershiligi shekteýli shaǵyn kásiporynynda oryn alǵandaı sýbsıdııalar bıýdjette qarastyrylǵan bolsa da, ákimdikter avtoparkti sátsizdikter úshin kinálap, ózderine zańdarmen, memlekettik baǵdarlamamen, sharttarmen júktelgen sýbsıdııalar (tóleý) jónindegi óz mindetterin oryndamaı, mekemeni bankrottyqqa deıin jetkizilýi.
Sondyqtan óńirlerde azyp-tozǵan avtoparkterdiń jumysyn toqtatý týraly júrgizýshilerdiń tarapytanan mezgil-mezgil janjaldar órship tur.
Ókinishke oraı, jalǵyz jaqsy mysal: Qaraǵandy oblysy men Qaraǵandy qalasyn keltirýge bolady, munda sýbsıdııalar birneshe jyldar boıy zańnamaǵa sáıkes tólenýde.
Jalpy, qoǵamdyq kóliktiń negizgi problemalary sheshilmegen kúıinde qalyp otyr. 2020 jylǵy 24 qańtarda ótken Úkimet otyrysynda Qazaqstan Prezıdenti memlekettik organdardyń áreketsizdigin synǵa alyp, «eki aı ishinde qalalyq jolaýshylar tasymaly salasynda tártip ornatý jáne olardy sýbsıdııalaý problemalaryn júıeli túrde sheshý» tapsyrmasyn berdi.
2020 jylǵy 25 qarashada Úkimet «Qazaqstan Respýblıkasynda avtomobıl kóliginde qalalyq jolaýshylar tasymalyn damytý jónindegi sharalar keshenin bekitý týraly» 2020-2022 jyldarǵa arnalǵan ókim shyǵardy.
Bul qujat is júzinde júzege aspaǵan 2018-2020 jyldarǵa arnalǵan aldyńǵy «Keshendi baǵdarlamany» qaıtalaıdy, osy baǵdaralamany oryndamaǵan úshin eshkim eshqandaı jaýapqa tartylǵan joq.
Osyǵan baılanysty «Aq jol» Demokratııalyq partııasynyń frakııasy:
Avtobýs tasymalyndaǵy kúrdeli jaǵdaıdy saýyqtyrý, sonyń ishinde jumys istep turǵan avtoparkterge tıesili sýbsıdııalardy tóleý jóninde shuǵyl sharalardy qabyldaýdy suraıdy.
Qurmetpen,
«Aq jol» frakııasynyń depýtattary
