«Aq jol» jūmys ıstep tūrǧan kölık parkterıne qajettı subsidiialardy töleudı talap etedı. Būl turaly bügın Mäjılıs deputaty Serık Erubaev fraksiia atynan joldaǧan deputattyq saualynda mälımdedı.
QR Premer-Ministrınıŋ
orynbasary
R.V. Skliarǧa
Būl depuatattyq saualǧa «Aq jol» demokratiialyq partiiasyna elımızdıŋ avtobus tasymaly salasyndaǧy käsıp ielerınenen kelıp tüsken köptegen aryz-şaǧymdar türtkı boldy. Bükıl älemde qoǧamdyq kölık şyǧyndy sala bolyp tabylatyny bärımızge belgılı. Būl salaǧa memleket erıksız şyǧyndardy jabu kepıldıgımen, jeke tasymaldauşylardy tartady. Qazaqstanda tūraqty qalalyq, qala maŋyndaǧy jäne auyldyq marşruttarǧa qyzmet körsetu kezınde käsıporyn şyǧyndaryn biudjet qarajatynan subsidiialau mındetı «Kölık turaly» jäne «Avtomobil kölıgı turaly» zaŋdar, sondai-aq bırqatar normativtık qūqyqtyq aktılerdıŋ normalaryna säikes, jergılıktı atqaruşy organdarǧa jüktelgen. Alaida, täuelsızdıktıŋ barlyq jyldarynda zaŋnama talaptary, jalǧyz-jarym erekşelıkterdı qospaǧanda, būl salada tolyq oryndalmaǧan, subsidiialau eşqaşan jüzege asyrylmaǧan. Būl audandar men qalalarda tūraqty avtobus tasymaldaryn müşkıl jaǧdaiǧa äkeldı jäne de barlyq jeke avtoparkter bankrotqa ūşyrau aldynda tūr. Täjıribelı qyzmetkerler laiyqty jalaqy ızdep, jappai jūmystan ketude. Qalǧan jürgızuşıler ünemı jūmysty artyǧymen ıstep, osyǧan bailanysty jol-kölık oqiǧalarynyŋ qaupı artuda. Joǧaryda atalǧan jäiıptı tüsıne otyryp, Ükımet 2018 jyly «Avtobus tasymaldaryn damytu jönınde keşendı baǧdarlama» qabyldady, onda tasymaldardy tolyq kölemde subsidiialau, avtobus parkın jaŋartu, elektrondyq biletteu jüiesın engızu, zaŋsyz tasymaldauşylarǧa qarsy küres jönındegı şaralar qamtylǧan. Alaida, Baǧdarlama ıs jüzınde sätsız aiaqtaldy. Äleumettık maŋyzy bar salany subsidiialau 2019 jyly ǧana bastaldy. 2020 jyldyŋ özınde keibır oblystarda 2021-2023 jyldarǧa arnalǧan biudjettı bekıtu kezınde subsidiialauǧa arnalǧan şyǧystar qarastyrylmaǧan. Aqtöbe, Qostanai, Pavlodar, Petropavl, Öskemen qalalarynyŋ jergılıktı atqaruşy organdary subsidiia tölemeu üşın tūraqty marşruttardy äleumettık maŋyzy bar dep tanymady. Aqtauda būl 2020 jyldyŋ 11 jeltoqsanynda jüzege asyryldy. Bırqatar öŋırlerde memlekettık organdar maqsatty türde jeke avtoparkterdı yǧystyryp, «Şymkent Bas», «Aqjaiyq avtoparkı» siiaqty kvazimemlekettık käsıporyndar qūruda. Bıraq mūndai jaǧdaidyŋ özınde de būl mekemelerdıŋ şaruaşylyq qyzmetıne aralasyp, subsidiialar töleu jönındegı öz mındettemelerın oryndamai otyr. Būǧan mysal «Semei Bas» Jauapkerşılıgı şekteulı şaǧyn käsıporynynda oryn alǧandai subsidiialar biudjette qarastyrylǧan bolsa da, äkımdıkter avtoparktı sätsızdıkter üşın kınälap, özderıne zaŋdarmen, memlekettık baǧdarlamamen, şarttarmen jüktelgen subsidiialar (töleu) jönındegı öz mındetterın oryndamai, mekemenı bankrottyqqa deiın jetkızıluı. Sondyqtan öŋırlerde azyp-tozǧan avtoparkterdıŋ jūmysyn toqtatu turaly jürgızuşılerdıŋ tarapytanan mezgıl-mezgıl janjaldar örşıp tūr. Ökınışke orai, jalǧyz jaqsy mysal: Qaraǧandy oblysy men Qaraǧandy qalasyn keltıruge bolady, mūnda subsidiialar bırneşe jyldar boiy zaŋnamaǧa säikes tölenude. Jalpy, qoǧamdyq kölıktıŋ negızgı problemalary şeşılmegen küiınde qalyp otyr. 2020 jylǧy 24 qaŋtarda ötken Ükımet otyrysynda Qazaqstan Prezidentı memlekettık organdardyŋ äreketsızdıgın synǧa alyp, «ekı ai ışınde qalalyq jolauşylar tasymaly salasynda tärtıp ornatu jäne olardy subsidiialau problemalaryn jüielı türde şeşu» tapsyrmasyn berdı. 2020 jylǧy 25 qaraşada Ükımet «Qazaqstan Respublikasynda avtomobil kölıgınde qalalyq jolauşylar tasymalyn damytu jönındegı şaralar keşenın bekıtu turaly» 2020-2022 jyldarǧa arnalǧan ökım şyǧardy. Būl qūjat ıs jüzınde jüzege aspaǧan 2018-2020 jyldarǧa arnalǧan aldyŋǧy «Keşendı baǧdarlamany» qaitalaidy, osy baǧdaralamany oryndamaǧan üşın eşkım eşqandai jauapqa tartylǧan joq. Osyǧan bailanysty «Aq jol» Demokratiialyq partiiasynyŋ fraksiiasy: Avtobus tasymalyndaǧy kürdelı jaǧdaidy sauyqtyru, sonyŋ ışınde jūmys ıstep tūrǧan avtoparkterge tiesılı subsidiialardy töleu jönınde şūǧyl şaralardy qabyldaudy sūraidy.Qūrmetpen,
«Aq jol» fraksiiasynyŋ deputattary
