سارايشىق قالاسى مۋزەيگە اينالۋى مۇمكىن

3258
Adyrna.kz Telegram

اتىراۋ وبلىسىنا جۇمىس ساپارىمەن بارعان قر مادەنيەت جانە سپورت ءمينيسترى ارىستانبەك مۇحامەديۇلى سارايشىق قالاشىعىن ساقتاۋ ماسەلەسى بويىنشا كەڭەيتىلگەن وتىرىس وتكىزدى.

باستى تاقىرىپ اتىراۋ قالاسىنان 55 شاقىرىم جەردە، جايىق وزەنىنىڭ وڭ جاعاسىندا ورنالاسقان كونە سارايشىق قالاشىعىن ساقتاۋ ماسەلەسىنە ارنالدى.   ەسكەرتكىشتىڭ قۇجاتىنا سايكەس، ونىڭ اۋدانى 100 گا. قۇرايدى، الايدا ەسكەرتكىشتىڭ اۋماعى جايىق وزەنى شايۋىنىڭ اسەرىنەن جىلدان جىلعا ازايىپ كەلەدى. قازىرگى تاڭدا قالاشىقتىڭ باسىم بولىگى جايىق وزەنىنىڭ اسەرىنەن بۇزىلعان.

مينيسترلىكتىڭ ءباسپاسوز قىزمەتىنىڭ حابارلاۋىنشا كەڭەيتىلگەن وتىرىستى اتىراۋ وبلىسىنىڭ اكىمى نۇرلان نوعاەۆ اشتى. وتىرىسقا دەپۋتاتتار، تانىمال قوعام قايراتكەرلەرى، جەرگىلىكتى اتقارۋشى بيلىك وكىلدەرى، جەتەكشى تاريحشىلار مەن ارحەولوگتار، اتاپ ايتقاندا قر پارلامەنتى سەناتىنىڭ دەپۋتاتى سارسەنباي ەنسەگەنوۆ، عالىمدار زەينوللا ساماشەۆ، كارل بايپاقوۆ، بۇركىتباي اياعان، بەرەكەت كارىباەۆ، فيلوسوف عاريفوللا ەسىم، زيالى قاۋىم وكىلدەرى ەسەنعالي راۋشانوۆ، مەرەكە قۇلكەنوۆ جانە ت.ب. قاتىسقان.atyirau

اتىراۋ وبلىسىنىڭ اكىمدىگى 2013 جىلى قر ۇكىمەتىنىڭ تاپسىرماسىنا سايكەس  قۇرىلعان «سارايشىق» قالاشىعىن ساقتاپ قالۋ ماسەلەسىن تالقىلاۋ جونىندەگى ۆەدومستۆوارالىق كوميسسيا شەشىمى بويىنشا جايىق وزەنىنىڭ جاعالاۋىن بەكىتۋ بويىنشا جۇمىستاردى جۇزەگە اسىرعان. سارايشىق قالاشىعىن ساقتاپ قالۋ ماسەلەسىنە قاتىستى كەڭەيتىلگەن كەڭەستە اتالمىش ماسەلەگە جۇيەلى، ءبىرىزدى قاراۋ ەسەبىمەن بىرەگەي تاريحي ەسكەركەرتكىشتى ساقتاۋدىڭ الداعى قابىلداناتىن شارالارى تالقىلاندى.

وتىرىس بارىسىندا قر مادەنيەت جانە سپورت ءمينيسترى ارىستانبەك مۇحامەديۇلى ۆەدومستۆانىڭ رەسپۋبليكا اۋماعىندا تاريحي جانە مادەنيەت ەسكەرتكىشتەرىن ساقتاپ قالۋ بويىنشا ماقساتتى جۇمىس جۇرگىزىپ جاتقاندىعىن اتاپ ءوتتى. قازىرگى تاڭدا قازاقستاندا 220 تاريح جانە مادەنيەت، ارحەولوگيا، ارحيتەكتۋرا جانە مونۋمەنتالدىق ونەر ەسكەرتكىشتەرى بار.     «ءبىزدىڭ باستى ماقساتىمىز - كونە سارايشىق قالاشىعىنىڭ تابيعي بۇزىلۋىن توقتاتۋ. ءبىز بۇل بىرەگەي مادەني ەسكەرتكىشتى ساقتاپ قالىپ، بولاشاق وسكەلەڭ ۇرپاققا تابىستاۋ ءۇشىن بار كۇشىمىزدى سالۋىمىز قاجەت. بۇل جەردە اكىمدىككە جاعالاۋدى بەكىتۋ جۇمىستارى بويىنشا قابىلدانعان شارالار ءۇشىن العىسىمدى بىلدىرگىم كەلەدى. بەكىتۋ جۇمىستارىن جۇرگىزگەننەن كەيىن ارحەولوگيالىق زەرتتەۋلەر ءوز جالعاسىن تاباتىن بولادى. ارحەولوگيالىق قازبالاردان كەيىن بىردەن رەستاۆراتسيالىق جۇمىستارعا كوشەتىن بولامىز» - دەپ اتاپ ءوتتى ارىستانبەك مۇحامەديۇلى.

atyirau-2

مادەنيەت جانە سپورت مينيسترلىگى كونە سارايشىق قالاشىعىندا عىلىمي-رەستاۆراتسيالىق جانە كونسەرۆاتسيالاۋ جۇمىستارىن جۇرگىزۋدى جوسپارلاپ وتىر. سونداي-اق، بۇل جەردە تۋريستەردى تارتۋ ءۇشىن كونە تاراز قالاشىعى ۇلگىسىندە اشىق اسپان استىندا مۋزەي اشۋ قولعا الىناتىن بولادى.


"ادىرنا" كز

 

پىكىرلەر