«كومەك بولمادى»: اقمولاعا كوكتەم باتپاقپەن كەلدى

2965
Adyrna.kz Telegram

اقمولا وبلىسى، تالاپكەر سەلوسىنىڭ تۇرعىندارى كوشەلەردەگى ساز بالشىقتىڭ كەسىرىنەن باراتىن جەرلەرىنە بارا الماي وتىر. ەرىگەن قار سۋى بالشىققا اينالعان، كەيبىر جەرلەرىندە ءالى دە قار جاتىر. تۇرعىندار قالعان قار ەرىسە ۇيدەن شىعا الماي قالامىز با دەپ ۋايىمداۋدا.

سەلو تۇرعىندارىنىڭ ايتۋىنشا ۇيگە كىرىپ، شىعۋدىڭ ءوزى قيىن بولىپ كەتكەن. جولدى جوق دەپ ايتۋعا بولادى. بۇل جەردە جاياۋ جۇرگىنشى تۇگىلى ماشينا جۇرە المايدى. ۇيگە سۋ اكەلە الماي وتىر. تاڭەرتەڭ جۇمىسقا باراتىن ادامدارعا تىپتەن قيىن.

«بۇل كوشەلەر قىستاي تازالانباعان. اراسىندا ءوزىمىز اكەلىپ تازالاتتىق. ۇكىمەتتەن كومەك بولمادى»، - دەيدى سەلو تۇرعىنى.

ولار اكىمدىكتەن شارا قابىلداۋىن سۇرايدى.

«كول كوسىر سۋدىڭ استىندا قالدىق. ەسىكتىڭ الدىن سۋ الىپ كەتتى. ۇيدەن شىعۋ مۇمكىن ەمەس. بالالارىمىز قالاي ساباققا بارادى؟ جۇمىسقا قالاي بارامىز؟ سىرتتان سۋ تاسيتىن ەدىك، ونى قالاي اكەلەمىز؟ جاعدايىمىز قيىن»، - دەيدى تۇرعىن.

پىكىرلەر