Aqmola oblysy, Talapker selosynyń turǵyndary kóshelerdegi saz balshyqtyń kesirinen baratyn jerlerine bara almaı otyr. Erigen qar sýy balshyqqa aınalǵan, keıbir jerlerinde áli de qar jatyr. Turǵyndar qalǵan qar erise úıden shyǵa almaı qalamyz ba dep ýaıymdaýda.
Selo turǵyndarynyń aıtýynsha úıge kirip, shyǵýdyń ózi qıyn bolyp ketken. Joldy joq dep aıtýǵa bolady. Bul jerde jaıaý júrginshi túgili mashına júre almaıdy. Úıge sý ákele almaı otyr. Tańerteń jumysqa baratyn adamdarǵa tipten qıyn.
«Bul kósheler qystaı tazalanbaǵan. Arasynda ózimiz ákelip tazalattyq. Úkimetten kómek bolmady», - deıdi selo turǵyny.
Olar ákimdikten shara qabyldaýyn suraıdy.
«Kól kósir sýdyń astynda qaldyq. Esiktiń aldyn sý alyp ketti. Úıden shyǵý múmkin emes. Balalarymyz qalaı sabaqqa barady? Jumysqa qalaı baramyz? Syrttan sý tasıtyn edik, ony qalaı ákelemiz? Jaǵdaıymyz qıyn», - deıdi turǵyn.
