اقش پەن رەسەيدىڭ سوعىس كەمەلەرى قارا تەڭىزگە بەت الدى

مامىر ايىندا ناتو ۋكراينادا 27 مەملەكەتتىڭ قاتىسۋىمەن سوڭعى 25 جىلدا بولماعان ەڭ ءىرى اسكەري وقۋ-جاتتىعۋ جيىنىن وتكىزەدى. "Defense of Europe 2021" دەپ اتالاتىن بۇل جاتتىعۋدا ناتو اسكەرى ۋكراينانى قورعاۋدى پىسىقتايدى.

جالپى مونترە كەلىسىمىنە 1936 جىلى قول قويىلعان. ول بويىنشا قارا تەڭىزگە شەكاراسى بار ەلدەر ستامبۋل بۇعازىنان تەگىن ءارى قالاعان ۋاقىتىندا وتەدى. ال وزگە ەلدەر 15 كۇن بۇرىن حابارلاپ قارا تەڭىزگە كەلسە دە 21 كۇننەن ارتىق قالا المايدى. قازىر تۇركيا مونترە كەلىسىمىنەن شىققىسى كەلەدى. پاناما، سۋەتس كانالى سەكىلدى بۇعازدان كەمەلەردىڭ وتكەنى ءۇشىن اقشا الۋدى كوزدەيدى. بۇگىنگى تاڭدا وزگە مەملەكەتتەر تۇركياعا بۇعازدى جارىقتاندىرۋ، سەرۆيستىك قىزمەت ءۇشىن عانا ازىن-اۋلاق قارجى تولەيدى.

بىراق ءبىر ريسك تە بار. مونترە كەلىسىمى توقتاتىلسا ءارى جاڭا كەلىسىمگە قول قويىلماسا ستامبۋل بۇعازى حالىقارالىق سۋ جولى رەتىندە ەسەپتەلىپ، تۇركياعا مۇلدە ەشتەڭە تولەنبەيدى. سوندىقتان دا تۇركيا مونترەدەن شىققىسى كەلگەنىمەن جاڭا كەلىسىمگە وزگە ەلدەردى كوندىرە قويۋى ەكىتالاي. كونبەيدى دە. كىم ارتىق اقشا تولەگىسى كەلەدى؟..

ەردوعاننىڭ ايتىپ جۇرگەن ستامبۋل كانالىنىڭ استارى وسىندا. جىلىنا 40 مىڭ كەمە وتەتىن، بىراق قاۋىپسىز وتكىزۋ سىيىمدىلىعى 25 مىڭ كەمە بولاتىن بۇعازدى جارتىلاي پايدالانىپ، وزگە ەلدەردى ءتۇرلى سىلتاۋمەن جاڭا كانالمەن وتۋگە ماجبۇرلەۋ. قارجى تابۋ. دۇرىس يدەيا نەگىزى. ىسكە اسسا ارينە. بىراق وپپوزيتسيا وسىعان قارسى. ەكولوگيا، جەر سىلكىنىسى بولۋى مۇمكىن، ستامبۋل ءبىر ارالعا اينالادى دەگەن سىلتاۋلارى بار. كورەيىك كىم جەڭەدى.