رەسەيلىك ساياساتكەر ۆلاديمير جيرينوۆسكي «كومسومولسكايا پراۆدا» راديوسىنا سۇحبات بەردى. سۇحباتتا ول قازاقستانعا جانە قازاقتارعا قاتىستى تاعى دا ويلارىن ايتتى.
«...مەن الما-اتادا تۇردىم. ول جەردە، جالپى قازاقستاندا ورىستار كوپ ەدى. كلاستا 30 وقۋشى بولسا، ونىڭ ۇشەۋى عانا – قازاق. ولار ءبىزدىڭ ارامىزدا وزدەرىن جاقسى سەزىنەتىن، ارامىزعا ءسىڭىسىپ تە كەتتى، تەك ورىسشا سويلەيتىن. سودان كەيىن الما-اتادا قازاق مەكتەپتەرى اشىلا باستادى. الايدا ولارعا ەشكىم بارمادى. بارلىعىنا ورىس مەكتەبىندە، ورىس بالالارىمەن بىرگە وقىعان ءتيىمدى ەدى. دۇڭگىرشەكتەردە قازاق جانە ورىس تىلىندەگى گازەتتەر تۇرادى. ادامدار ورىسشا گازەتتەردى سىپىرىپ الىپ كەتەدى دە، قازاق گازەتتەرى وتپەي جاتادى. ودان كەيىن ماكۋلاتۋراعا كەتەدى.
بۇل ۇلتتاندىرۋدى حرۋششەۆ باستادى. ەندى بىزدە ونداي جوق. بىراق ولار (قازاقتار – رەد.) بىزگە كەلەدى، انا جاقتا ءومىر ءسۇرۋ مۇمكىن ەمەس. وندا كۆازيمەملەكەتتىك، سوندىقتان دا كەدەي.
ولار رەسەيگە كەلۋگە تىرىسادى. وندا بىلاي ىستەيىك، ولاردى اكەلەيىك تە، بوس جاتقان جەرلەرگە قونىستاندىرايىق. كەدەرگى تۋىنداماس ءۇشىن ءوز وتباسىمەن تۇرسىن. ەڭ دۇرىسى – ءوز ۇيلەرىندە قالسىن. بىزگە ارتىق ادام كەرەك ەمەس».
