سىبايلاس جەمقورلىققا قارسى قىزمەت ماڭعىستاۋ وبلىسى، مۇنايلى اۋداندىق تۇرعىن ءۇي-كوممۋنالدىق شارۋاشىلىق جانە اۆتوموبيل جولدارى ءبولىمىنىڭ باسشىلىعىنا قاتىستى پارا الۋ فاكتىسى بويىنشا تەرگەۋ اياقتالعانىن ايتتى، دەپ حابارلايدى "ادىرنا" ۇلتتىق پورتالى، Tengrinews.kz-كە سىلتەپ.
«ماڭعىستاۋ وبلىسى بويىنشا سىبايلاس جەمقورلىققا قارسى قىزمەت، مۇنايلى اۋدانى اكىمى اپپاراتىنىڭ "تۇرعىن ءۇي-كوممۋنالدىق شارۋاشىلىق جانە اۆتوموبيل جولدارى ءبولىمى" باسشىلىعىنا قاتىستى ءبىر ميلليون تەڭگە شاماسىندا پارا الۋ فاكتىسى بويىنشا سوتقا دەيىنگى تەرگەۋدى اياقتادى. «جۇمىسپەن قامتۋ جول كارتاسى - 2020» مەملەكەتتىك باعدارلاماسى اياسىندا جۇزەگە اسىرىلعان مۇنايلى اۋدانىنداعى اۋىلىشىلىك جولداردى سالۋ كەزىندە پاتروناتتىق كومەك كورسەتكەنى ءۇشىن زاڭدى تۇلعالاردان تەرگەۋ جۇمىسى ءجۇرشىزىلدى، دەدى بريفينگتە سىبايلاس جەمقورلىققا قارسى ءىس-قيمىلدىڭ ەرەكشە ماڭىزدى ىستەرى جونىندەگى تەرگەۋشىسى دانيار بيعايداروۆ.
ونىڭ ايتۋىنشا، سوتقا دەيىنگى تەرگەۋ بارىسىندا كۇدىكتى قىلمىستىق قۇقىق بۇزۋشىلىقتى جاساۋدا كىناسىن مويىندادى.
«ايتا كەتۋ كەرەك، بۇل قۇرىلىس نىساندارى ماڭعىستاۋ وبلىسىنىڭ پروكۋراتۋراسى، سىبايلاس جەمقورلىققا قارسى قىزمەت جانە ازاماتتىق قوعام تاراپىنان بىرنەشە رەت سىنعا الىندى. اتاپ ايتقاندا، بۇعان دەيىن جاريالانىمدار الەۋمەتتىك جەلىلەردە جانە بۇقارالىق اقپارات قۇرالدارىندا كەڭىنەن قوعامدىق پىكىرگە يە بولعان جاريالانىمدار بولاتىن مۇنايلى اۋدانىندا جول سالۋ كەزىندەگى ساپاسىز جۇمىس فاكتىلەرى بۇعان دالەل»، دەپ قوستى ول.
"ادىرنا" ۇلتتىق پورتالى
