2022 جىلدىڭ ءبىرىنشى توقسانىندا رەسەيدەن قازاقستانعا 204 947 ادام كەتكەن. مۇنداي دەرەكتەر رەسەي فەدەراتسياسىنىڭ بارلىق ۆەدومستۆوارالىق ستاتيستيكاسى جيناقتالاتىن جالپىرەسەيلىك ەميسس پلاتفورماسىندا جاريالاندى، دەپحابارلايدى “ادىرنا” ۇلتتىق پورتالى.
جىلدىڭ العاشقى ءۇش ايىندا رەسەيدەن بارلىعى 3 ميلليون 880 مىڭ 679 ازامات كەتكەن.
2022 جىلدىڭ ءبىرىنشى توقسانىندا رەسەيدەن كەتكەن ازاماتتاردىڭ 38 281 ادام گرۋزياعا، 134 129 ادام ارمەنياعا، 53 084 ادام وزبەكستانعا، 40 054 ادام تاجىكستانعا كەتكەن.
رەسەيدەن ۋكرايناعا 328 مىڭ ادام، قازاقستانعا 204 947 ازامات كەتكەن. 2021 جىلدىڭ وسى كەزەڭىندە بۇل كورسەتكىش شامامەن 122 330, 2021 جىلدىڭ سوڭعى توقسانىندا 239 413 بولعان.
ناۋرىز ايىنىڭ سوڭىندا ەڭبەك جانە حالىقتى الەۋمەتتىك قورعاۋ ءمينيسترى سەرىك شاپكەنوۆ رەسەيدەن قازاقستانعا ەڭبەك ميگرانتتارىنىڭ كوپ اعىنى جوق دەپ مالىمدەگەن.
"بۇگىندە ءبىز رەسەيدەن ەڭبەك ميگرانتتارىنىڭ كوپ اعىنىن كورىپ تۇرعان جوقپىز. قازىر قازاقستاندا 100 مىڭعا جۋىق رەسەيلىك ازامات بار. ونىڭ 6 مىڭى 2022 جىلدىڭ باسىنان بەرى جۇمىسقا كەلگەن", - دەدى ول.
“ادىرنا” ۇلتتىق پورتالى
