وسى جىلدىڭ 1 ناۋرىزىنان باستاۋ العان مەكتەپ وقۋشىلارى اراسىنداعى — «شىمكەنت جاستار ليگاسى» «فۋتبول»، «ۆولەيبول»، «باسكەتبول» سىندى 3 سپورت ءتۇرى بويىنشا وتۋدە. جارىس 1 ماۋسىمعا دەيىن جالعاسادى.
بۇگىندە اباي اۋدانى بويىنشا «باسكەتبول» سپورتتىق ويىنى تۇرىنەن №54, 86 مەكتەپتەرىنىڭ سپورت الاڭشاسىندا 35 كوماندا باق سىناسىپ، №23, 33, 42 جانە №2 «دارىن» مەكتەپتەرى شيرەك فينالعا جولداما الدى. ال، ءال-فاربي اۋدانىنداعى №8, 11 مەكتەپتەرىنىڭ سپورت الاڭشاسىندا 23 كوماندا ويناپ جاتسا، فۋتبولدان «بيىك» جانە فتس «ورداباسى» ستاديونىندا 21 كوماندا باق سىناسۋدا. ەڭبەكشى اۋدانىنداعى 29 كوماندا ۆولەيبولدان №24, 36 مەكتەپتەرىنىڭ سپورت الاڭشاسىندا جارىسسا، قاراتاۋ اۋدانى وسى سپورت ءتۇرى بويىنشا №130, 135 مەكتەپتەرىنىڭ سپورت الاڭشاسىندا 35 كوماندا باقسىناسىپ، №89, 131, 68, 113 مەكتەپتەر شيرەك فينالعا جولداما الدى.
قاتىسۋشى كوماندالار اراسىندا 4 كوماندا ءتۇرلى سەبەپتەرمەن ويىنعا كەلمەي جەڭىلىس السا، 2 كوماندا ءبىلىم بەرۋ مەكەمەلەرىنىڭ كورانتيندىك ايماققا تۇسۋىنە بايلانىستى ويىننان شەتتەتىلدى. بۇدان بولەك، ويىن بارىسىندا ۆولەيبولدان №65 مەكتەپ №25 مەكتەپ كومانداسىندا بوگدە ادام ويناعاندىعى تۋرالى ارىز ءتۇسىپ، ارىز بويىنشا №25 مەكتەپ كوماندا مۇشەلەرىنىڭ قۇجاتتارى قايتا قارالىپ تالاپ ارىزدارى نەگىزسىز دەپ تانىلدى.
قالا اكىمىنىڭ باستاماسىمەن ۇيىمداستىرىلعان شارا سپورتتىڭ 4 ءتۇرى بويىنشا وتەدى. ءتورت اۋداننان ليگاعا قاتىسۋعا 140 جالپى ءبىلىم بەرۋ مەكەمەسىنەن 571 كوماندانىڭ قاتىسۋىنا ءوتىنىش بىلدىرگەن. سايكەسىنشە 8 569 وقۋشىلاردىڭ بوس ۋاقىتى ءتيىمدى پايدالانۋىنا ىقپال ەتۋدە. كومادالاردىڭ جۇمىسىن ۇيلەستىرۋ ءۇشىن 420 دەنەشىنىقتىرۋ ماماندارى جۇمىلدىرىلدى.
بۇگىندە كوماندالاردىڭ ويىن كەستەسى، جەڭىمپاز كوماندالار، كۇندەلىكتى جاڭالىقتار تۋرالى مالىمەتتەر @shymkent_jastar_league الەۋمەتتىك جەلىسىندە جاريالانۋدا. ويىنشىلاردى قولداۋ بويىنشا فان-كلۋب توپتارى جاساقتالۋدا. بۇگىندە 140 توپ قۇرىلدى. جوسپار بويىنشا 151 ءبىلىم بەرۋ مەكەمەسىندە فان-كلۋب توبىن جاساقتاۋ كوزدەلىپ وتىر.
جاستار ليگاسىنىڭ ەكىنشى كەزەڭىندە قىركۇيەك – قاراشا ايلارىندا جوعارى جانە ورتا ارناۋلى وقۋ ورىندارى اراسىندا ۇيىمداستىرۋ جوسپارلانۋدا.
سايىس قورىتىندىسى بويىنشا جەڭىمپاز توپقا العىس حات پەن باعالى سىيلىق بەرىلەدى. ال، ءار سپورت تۇرىنەن باس جۇلدەنى العان مەكتەپكە «شىمكەنت – قايىرىمدى قالا» قورىنان 20 ملن تەڭگە تابىستالماق.
شىمكەنت قالاسى اكىمدىگىنىڭ ءباسپاسوز قىزمەتى
