Osy jyldyń 1 naýryzynan bastaý alǵan mektep oqýshylary arasyndaǵy — «Shymkent jastar lıgasy» «Fýtbol», «Voleıbol», «Basketbol» syndy 3 sport túri boıynsha ótýde. Jarys 1 maýsymǵa deıin jalǵasady.
Búginde Abaı aýdany boıynsha «Basketbol» sporttyq oıyny túrinen №54, 86 mektepteriniń sport alańshasynda 35 komanda baq synasyp, №23, 33, 42 jáne №2 «Daryn» mektepteri shırek fınalǵa joldama aldy. Al, Ál-Farbı aýdanyndaǵy №8, 11 mektepteriniń sport alańshasynda 23 komanda oınap jatsa, fýtboldan «BIIK» jáne F «Ordabasy» stadıonynda 21 komanda baq synasýda. Eńbekshi aýdanyndaǵy 29 komanda voleıboldan №24, 36 mektepteriniń sport alańshasynda jaryssa, Qarataý aýdany osy sport túri boıynsha №130, 135 mektepteriniń sport alańshasynda 35 komanda baqsynasyp, №89, 131, 68, 113 mektepter shırek fınalǵa joldama aldy.
Qatysýshy komandalar arasynda 4 komanda túrli sebeptermen oıynǵa kelmeı jeńilis alsa, 2 komanda bilim berý mekemeleriniń korantındik aımaqqa túsýine baılanysty oıynnan shettetildi. Budan bólek, oıyn barysynda voleıboldan №65 mektep №25 mektep komandasynda bógde adam oınaǵandyǵy týraly aryz túsip, aryz boıynsha №25 mektep komanda músheleriniń qujattary qaıta qaralyp talap aryzdary negizsiz dep tanyldy.
Qala ákiminiń bastamasymen uıymdastyrylǵan shara sporttyń 4 túri boıynsha ótedi. Tórt aýdannan lıgaǵa qatysýǵa 140 jalpy bilim berý mekemesinen 571 komandanyń qatysýyna ótinish bildirgen. Sáıkesinshe 8 569 oqýshylardyń bos ýaqyty tıimdi paıdalanýyna yqpal etýde. Komadalardyń jumysyn úılestirý úshin 420 deneshynyqtyrý mamandary jumyldyryldy.
Búginde komandalardyń oıyn kestesi, jeńimpaz komandalar, kúndelikti jańalyqtar týraly málimetter @shymkent_jastar_league áleýmettik jelisinde jarııalanýda. Oıynshylardy qoldaý boıynsha fan-klýb toptary jasaqtalýda. Búginde 140 top quryldy. Jospar boıynsha 151 bilim berý mekemesinde fan-klýb tobyn jasaqtaý kózdelip otyr.
Jastar lıgasynyń ekinshi kezeńinde qyrkúıek – qarasha aılarynda joǵary jáne orta arnaýly oqý oryndary arasynda uıymdastyrý josparlanýda.
Saıys qorytyndysy boıynsha jeńimpaz topqa alǵys hat pen baǵaly syılyq beriledi. Al, ár sport túrinen bas júldeni alǵan mektepke «Shymkent – qaıyrymdy qala» qorynan 20 mln teńge tabystalmaq.
Shymkent qalasy ákimdiginiń baspasóz qyzmeti
