بۇگىن شىمكەنت قالاسىنداعى اسار شاعىن اۋدانىندا «تازا تابيعات» ەكولوگيالىق جالپىۇلتتىق جوباسى اياسىندا 500 ءتۇپ جەمىس اعاشى وتىرعىزىلدى. قاراتاۋ اۋدان اكىمدىگى ۇيىمداستىرعان يگى شاراعا 100-گە جۋىق اۋدان تۇرعىندارى مەن 7 تەحنيكا جۇمىلدىرىلدى.
وسىلايشا بۇگىن، اسار شاعىناۋدانىنداعى ورتالىق كوشەلەردىڭ بويىنا الما، المۇرت، ورىك جəنە شيە اعاشتارى وتىرعىزىلدى.
اۋدان اقساقالدارى جەمىس اعاشىنىڭ كوگەرۋى مەن ەلىمىزدىڭ گۇلدەنۋى ءۇشىن دۇعا ەتىپ، ەرتەڭ اعاشتار كوكتەپ وسكەندە ونىڭ ساياسىندا دەمالعانى ءۇشىن، ونىڭ جەمىسىن جەگەنى ءۇشىن ءاربىر ەگۋشىگە جاقسىلىق جازىلاتىنىن ايتتى.
قاراتاۋ اۋدانى اكىمدىگىنىڭ ايتۋىنشا، اتالعان جۇمىستار جىل سوڭىنا دەيىن جالعاسادى ەكەن. ناۋرىز ايىندا اۋداندا جالپى 5 مىڭعا جۋىق اعاش كوشەتتەرى وتىرعىزىلعان ەكەن.
شىمكەنت قالاسى اكىمدىگىنىڭ ءباسپاسوز قىزمەتى
