توقاەۆ تۇركىتىلدەس ەلدەردىڭ سامميتىندە ۇندەۋ جاسادى

3760
Adyrna.kz Telegram

قاسىم-جومارت توقاەۆ تۇركىتىلدەس مەملەكەتتەردىڭ ىنتىماقتاستىق كەڭەسى ءسامميتىنىڭ اشىلۋىندا ءسوز سويلەدى، دەپ حابارلايدى "ادىرنا" ۇلتتىق پورتالى، zakon.kz سايتىنا سىلتەمە جاساپ.

قازاقستان پرەزيدەنتى 1992 جىلى انكاراداعى العاشقى كەزدەسۋ كەزىندە نۇرسۇلتان نازارباەۆ تۇركى ەلدەرىنىڭ باسشىلارى بۇدان ءارى قاسيەتتى تۇركىستاندا باس قوسادى دەپ ايتقانىن ەسكە الدى. سونىمەن قاتار، ەل پرەزيدەنتى تۇركىستان - بۇكىل تۇركى حالىقتارى ءۇشىن قاسيەتتى ورىن ەكەنىن اتاپ ءوتتى. 

ء"بىز بۇل كەزدەسۋدى بارلىعىمىز ءۇشىن قاسيەتتى جەر - تۇركىستاندا ۇيىمداستىرۋدى جوسپارلادىق. الايدا، پاندەميانىڭ جاعدايىنىڭ ۋشىعۋىنا بايلانىستى ءسامميتتى ونلاين فورماتتا وتكىزۋ تۋرالى شەشىم قابىلداندى. پاندەميا بىتكەننەن كەيىن ءبارىمىز بۇرىنعىداي كەزدەسەتىنىمىزگە سەنىمدىمىن. وسى مۇمكىندىكتى پايدالانا وتىرىپ، بارشاڭىزدى ناۋرىز مەرەكەسىمەن تاعى دا قۇتتىقتايمىن. مەن بارلىق باۋىرلاس ەلدەرگە ءوسىپ، وركەندەۋدى تىلەيمىن. ەندى مەن ءىس-شارانىڭ ۇيىمداستىرۋشىسى رەتىندە تۇركى كەڭەسىنىڭ بەيرەسمي ءسامميتىن اشىق دەپ جاريالايمىن» دەدى توقاەۆ.

قازاقستان رەسپۋبليكاسى پرەزيدەنتىنىڭ ايتۋىنشا، «ءبىزدىڭ اتا-بابالارىمىز ۇلى ۇستاز قوجا احمەت ياسساۋيدەن ءدىني ءبىلىم الىپ، بۇكىل تۇركى يسلام مادەنيەتىن بۇكىل الەمگە تاراتقان. تۇركى حالقى كىشى ازياعا بەت بۇرعان كەزدە وسى قۇندىلىقتاردىڭ بارلىعى ءبىزدىڭ كۇش-جىگەرىمىزدى كۇشەيتۋدىڭ نەگىزى بولىپ قالىپتاستى».

توقاەۆ تۇركىتىلدەس ەلدەردىڭ ماقساتى، تۇركى الەمىن 21 عاسىرداعى ەڭ ماڭىزدى ەكونوميكالىق، مادەني جانە گۋمانيتارلىق كەڭىستىكتەردىڭ بىرىنە اينالدىرۋ ەكەنىن اتاپ ءوتتى.

"مەن تۇركى وركەنيەتىن جاڭعىرتۋدى ەڭ الدىمەن ياسساۋي مۇراسى مەن قاسيەتتى تۇركىستاندى بۇكىل الەمگە تانىستىرۋدان باستاۋعا شاقىرامىن. سوندىقتان بۇگىنگى سامميت «تۇركىستان - تۇركى الەمىنىڭ رۋحاني استاناسى» دەپ اتالادى. ەلباسى نۇرسۇلتان نازارباەۆتىڭ باستاماسىمەن تۇركىستان قالاسى تۇبەگەيلى وزگەرىپ، جاڭا كەلبەتكە يە بولدى" دەدى توقاەۆ.

2021 جىلى تۇركىتىلدەس مەملەكەتتەردىڭ ىنتىماقتاستىق كەڭەسىنىڭ ءسامميتى ونلاين رەجيمدە ءوتىپ جاتىر. سامميتتە قازاقستان رەسپۋبليكاسىنىڭ تۇڭعىش پرەزيدەنتى مەن مەملەكەت باسشىلارى دا ءسوز سويلەيدى.

"ادىرنا" ۇلتتىق پورتالى

پىكىرلەر