قازاقستاندا اەس سالاتىن “روساتوم” باسشىسى مالىمدەمە جاسادى

قازاقستانداعى العاشقى اەس سالۋ بويىنشا حالىقارالىق كونسورتسيۋمعا رەسەيلىك «روساتوم» كورپوراتسياسى جەتەكشىلىك ەتەدى، دەپ حابارلايدى “ادىرنا” ۇلتتىق پورتالى. بۇل تۋرالى كورپوراتسيا باسشىسى الەكسەي ليحاچەۆتىڭ رەسمي مالىمدەمە جاسادى. ونىڭ ايتۋىنشا، جوبادا جاڭا بۋىنداعى ۆۆەر-1200 رەاكتورلارى قولدانىلادى. بۇل – «3+» بۋىنداعى، حالىقارالىق قاۋىپسىزدىك تالاپتارىنا تولىق سايكەس كەلەتىن زاماناۋي شەشىم. «بۇل رەاكتورلار بۇگىندە رەسەيمەن قاتار بەلارۋس، ۆەنگريا، تۇركيا، مىسىر، بانگلادەش پەن قىتايدا دا قولدانىستا»، – دەدى ليحاچەۆ. سونداي-اق ول قۇرىلىس بارىسىندا وزىق تەحنولوگيالار مەن حالىقارالىق تاجىريبە قولدانىلاتىنىن اتاپ ءوتتى. «روساتوم» ءتۇرلى ەلدەردىڭ جەتكىزۋشىلەرىمەن بىرلەسە جۇمىس ىستەپ، ستانتسيانى قازاقستان جاعدايىنا ساي بەيىمدەۋدى جوسپارلاپ وتىر. «الدا اتقاراتىن جۇمىس كوپ. ءبىز رەسەي مەن قازاقستان بيلىگىنىڭ قولداۋىنا ءۇمىت ارتامىز»، – دەدى الەكسەي ليحاچەۆ.