قۇرتتاعان كۇرىش، ىرىگەن ءسۇت! كەپىلدەندىرىلگەن الەۋمەتتىك پاكەت الىپ جۇرگەن كورەرمەن ازىق-تۇلىكتىڭ ساپاسىنا كوڭىلى تولمايتىنىن ايتىپ، ءبىزدىڭ ارناعا حابارلاستى. ونىڭ سوزىنشە، اي سايىنعى بەرىلەتىن ازىق-تۇلىك سەبەتىن بالالارعا بەرۋ مۇمكىن ەمەس. سەبەبى قوراپتارىن تىشقان تەسسە، بوتقالارىنىڭ مەرزىمى ءوتىپ كەتكەن. جالپى ازىق-تۇلىك سەبەتىنە قاشان وزگەرىس ەنگىزىلەدى؟ ماماندار قانداي ءۋاج ايتۋدا؟ بۇل تۋرالى "ادىرنا" ۇلتتىق پورتالى ەۋرازيا ءبىرىنشى ارناسىنا سىلتەمە جاساپ حابارلايدى.
قىزىلوردالىق مەرۋەرت ايتيموۆا اتاۋلى الەۋمەتتىك كومەك الىپ جۇرگەندەردىڭ قاتارىندا. ەكى بالاسىنا تۇراقتى تۇردە ازىق-تۇلىك سەبەتىمەن قامتاماسىز ەتىلەدى. الايدا، كومەكتىڭ بۇل تۇرىنە كوڭىلى تولمايدى. سەبەبى، الەۋمەتتىك قوراپتىڭ ىشىندەگى كۇرىش، بوتقالار، وزگە دە تاۋارلاردىڭ ساپاسى سىن كوتەرمەيدى. ال سوڭعى كەلگەن كۇرىشتىڭ ىشىنەن ءتىپتى قۇرت شىققان.
مەرۋەرت ايتيموۆا، قالا تۇرعىنى:
وزدەرىڭىزگە كورسەتكەندەي كۇرىشتىڭ تەڭ جارتىسى قۇرت. بەرىلگەن زاتتار قۇنارسىز. ونى بالا جەمەيدى. جازباشا تۇردە ۇسىنىس تاستادىق اۋىزشا دا ايتىپ جاتىرمىز، سوتس پاكەتتىڭ قۇرامىن اۋىستارسا، ءبىز ءوزىمىز بارامىز عوي قول قويۋعا، اياقاستى بولىپ جاتادى».
ساقتاۋ مەرزىمى ءوتىپ كەتكەن بوتقالار، تىشقان جەپ كەتكەن قوراپتار، اشىعان ءسۇت. وزگە ءوڭىر تۇرعىندارى دا سەبەتتىڭ ىشىندەگى تاۋارلار جەۋگە جارامسىز ەكەنىن ايتىپ شاعىمدانۋدا. تىپتى جارامسىزدارىن مالى بار ۇيلەرگە بەرىپ قۇتىلامىز دەيدى.
ەڭبەك مينيسترلىگى مۇنداي پروبلەمالار بار ەكەنىن جوققا شىعارمايدى. دەگەنمەن، جارامسىز تاۋارلاردى كورگەن جاعدايدا جۇمىسپەن قامتۋ ورتالىعىنا اپارىپ، الماستىرىپ الۋ كەرەك. ەڭ بولماسا 1411 تەلەفون نومىرىنە حابارلاسىپ، تۇسىندىرگەن دۇرىس دەيدى.
نۇرساۋلە ەلەۋوۆا، الەۋمەتتىك كومەك ساياساتىنىڭ دامىتۋ دەپارتامەنتىنىڭ باس ساراپشىسى:
ارينە ونداي پروبلەمالار بولۋى مۇمكىن. نەگىزى جەرگىلىكتى اتقارۋشى ورگ، جۇمىسپەن قامتۋ ورتالىقتار اينالسادى. اسپ الۋشى 1411 حابارلاسۋعا بولادى، تىكەلەي جۇمىسپەن قامتۋ ورتالىعىنا حابارالاسا الادى. ولار پروبلەمانى شەشۋگە مىندەتتى. ءونىم بىلدىرۋشىلەردەن بولىپ وتىر».
قوعام بەلسەندىسى بايان يسمايلوۆا ازىق-تۇلىك سەبەتىنە قاتىستى قوردالانىپ قالعان ماسەلە جەتكىلىكتى. سوندىقتان مينيسترلىك كومەك الۋشىلارعا قوراپپەن بەرگەننەن گورى، وزدەرىنە تاڭداۋ مۇمكىندىگىن بەرسە دەگەن پىكىردە. سولاردىڭ ءبىرى الەۋمەتتىك كارتا.
بايان يسمايلوۆا، قوعام بەلسەندىسى:
يمەننو مانكادان قۇرت شىعىپ تۇر، سۇتتەرى ءىرىپ جاتىر. كوڭىلىنەن شىعىپ جاتقان جوق، كەرەك تاماعىن الا المايدى. كەرەك نارسەلەرى جوق، كارتوشكا، موركوۆ، ءبارى ودنو ي توجە».
ودان بولەك ءۇش ايدان بەرى ازىق-تۇلىك سەبەتىنە قول جەتكىزە الماي جاتقاندار جەتەرلىك. وسىلايشا، مينيسترلىك ناۋرىز ايىنىڭ سوڭىنا دەيىن الەۋمەتتىك قوراپ بارلىق وتباسىعا جەتكىزىلەتىنىن مالىمدەدى
نۇرساۋلە ەلەۋوۆا، الەۋمەتتىك كومەك ساياساتىنىڭ دامىتۋ دەپارتامەنتىنىڭ باس ساراپشىسى:
«اسپ الۋشىلار كەپىلدەندىرلگەن بەرىلىپ جاتىر. تاراتىلىپ قاڭتار-اقپان ايلارى ءۇشىن، وڭىرلەر بار تولىق تاراتىلادى. قولدانىستاعى زاڭناماعا سايكەس كاپ توقسانىنان ءبىر رەت تاراتىلادى».
بەلگىلىسى، جىلدىڭ سوڭىندا كەپىلدەندىرىلگەن الەۋمەتتىك پاكەتكە بىراقاتار وزگەرىستەر ەنگىزىلۋى مۇمكىن. اتاپ ايتقاندا، كومەك الۋشىلار ارنايى الەۋمەتتىك پورتال ارقىلى ازىق-تۇلىك ءتۇرىن ءوزى تاڭداپ، كوڭىلىنەن شىققان تاۋارعا قول جەتكىزە الادى.
