الماتىداعى ساۋدا جانە ويىن-ساۋىق ورتالىقتارى مەن بازارلاردا ۆاكتسيناتسيا جۇرگىزۋ جوسپارلاندى. بۇل تۋرالى قالالىق قوعامدىق دەنساۋلىق ساقتاۋ باسقارماسىنىڭ وكىلى لاۋرا مىرزاعالي مالىمدەدى.
لاۋرا مىرزاعاليدىڭ پىكىرىنشە، الماتى ەمحانالارىندا 35 ەكپە سالۋ بولمەسى جۇمىس ىستەپ تۇر. تاعى دا 15 پۋنكت اشىلۋ جوسپاردا بار ەكەن.
«مۇنداي پۋنكتتەر جەكە ەمحانالاردا دا بولۋى مۇمكىن. سونداي-اق، ساۋدا ورتالىقتارىندا، بازارلاردا دا حالىقتى ۆاكتسيناتسيالاۋ ماسەلەسىن قاراستىرىپ جاتىرمىز»، – دەدى ول.
جازعا دەيىن الماتىعا 197 مىڭنان استام ۆاكتسينا جەتكىزىلەتىنى بەلگىلى بولدى.
«ساۋىردە 65 200 دوزا، مامىردا 65 200 دوزا جانە ماۋسىمدا 67 مىڭ دوزا جەتكىزۋ جوسپارلاندى. سونداي-اق، رەۆاكتسيناتسيا دا جالعاسادى»، – دەدى لاۋرا مىرزاعالي.
