الاتاۋ ءداستۇرلى ونەر تەاترى ۋنيۆەرسيادا كۇندەرى (29 قاڭتار مەن 8 اقپان ارالىعى) قازاقستان رەسپۋبليكاسىنىڭ ۇلتتىق كينوونەر قورىنداعى ۇزدىك فيلمدەردى كورسەتەدى. تەاتر ۋنيۆەرسيادانىڭ اتلەتيكالىق قالاشىعىنا جاقىن ماڭدا ورنالاسقان.
كۇن سايىن ساعات 15.00 دە كورسەتىلەتىن فيلمدەردى تومەندەگىدەي رەتپەن تاماشالاي الاسىزدار.
29 قاڭتاردا «بالالىق شاعىمنىڭ اسپانى»
فيلم پرەزيدەنتتىڭ بالالىق شاعىنا شولۋ جاساي وتىرىپ، حالىق باسىنا تۇسكەن قيىن-قىستاۋ زاماندى بەينەلەيدى. بالا سۇلتاننىڭ بار ارمانى، حالقىنىڭ كەڭ دالانىڭ كوگىندەگى قىران قۇستاي ەركىن سامعاۋى.
30 قاڭتاردا «قازاق حاندىعى. الماس قىلىش»
ەركىندىككە ۇمتىلعان ازاتتىقتىڭ ازاپتى جولىندا الاش جۇرتى نەبىر تار جول، تايعاق كەشۋلەردەن ءوتتى. اقىرى ازاتتىق ءۇشىن كۇرەس ناتيجە بەرىپ، تاريحتا قازاق حاندىعى اتتى جاس مەملەكەت قۇرىلدى.
31 قاڭتاردا «جاۋجۇرەك مىڭ بالا»
فيلمدە قازاق پەن جوڭعار اراسىنداعى ۇزاق جىلدارعا سوزىلعان سوعىستىڭ شەشۋشى ءساتى «اڭىراقاي» شايقاسىندا جەڭىسكە جەتۋگە بىردەن-ءبىر اسەر ەتكەن جاس ساربازداردىڭ ەرلىگى جايلى باياندالادى.
1 اقپاندا «ءبىرجان سال»
بۇل فيلم تاكاپپارلىق پەن بوي ۇسىنۋ، نامىس سەزىمى مەن كەمسىتۋ، قۇرمەت پەن قياناتشىلدىقتىڭ تاڭداۋىن ايتا بىلگەن قازاقتىڭ ءبىرتۋار ونەر يەسى ءبىرجان سال قوجاعۇلۇلىنىڭ ءومىرىن سيپاتتايدى.
2 اقپاندا «قۇنانباي»
فيلم ەل بيلەۋ ءىسى مەن اعايىن اراسىن جاراستىرۋ، رۋارالىق تاتۋلىقتى ساقتاپ تۇرۋدىڭ حاس شەبەرى، ۋەزدىك بولىس اتانعان قۇنانباي وسكەنبايۇلىنىڭ ونەگەلى ءومىرىنىڭ ءبىر كەزەڭىن قامتيدى.
3 اقپاندا «قىز-جىبەك»
فيلمدە قازاق دالاسىندا XVI-XVII عاسىردا كەڭىنەن جايىلعان رۋلىق قاراما-قايشىلىقتىڭ ەزگىسىنە توتەپ بەرە الماعان قىز-جىبەك پەن تولەگەننىڭ مۇڭلى ماحابباتى باياندالادى.
4 اقپاندا «جەرۇيىق»
بۇل فيلم 30-شى جىلدارداعى جۇتتان كەيىن مەكەن ىزدەپ كەلگەن كارىس، نەمىس، تۇرىك، شەشەن، كۇرد سەكىلدى ەلدەرگە ءوز تورىنەن ورىن بەرگەن قازاق حالقىنىڭ جاناشىرلىعى جايلى باياندايدى.
5 اقپاندا «امانات»
تاريحي دراما رەپرەسسياعا ۇشىراعان تاريحشى ەرمۇحان بەكماحانوۆتىڭ تاعدىرىنا ارنالعان. كەنەسارى، ەرمۇحان جانە رامازان كەيىپكەرلەرىنىڭ ۇلت بوستاندىعى مەن تاۋەلسىزدىگىنە دەگەن مۇراتى فيلم جەلىسىنە ارقاۋ بولادى.
6 اقپاندا «ەلباسى جولى. وت ءوزەن »
مەملەكەت باسشىسىنىڭ ونەگەلى ءومىرى، سارابدال ساياساتى تۋرالى «ەلباسى جولى» اتتى ءفيلمى - باسقا كارتينالاردىڭ جالعاسى. جەتپىسىنشى جىلدار ارالىعىن، ەلباسىنىڭ ۇلكەن ساياساتقا اياق باسقان.قاراعاندى مەتاللۋرگيالىق زاۋىتىندا پارتكوم حاتشىسى بولىپ تاعايىندالعان كەزەڭىن قامتيدى.
7 اقپاندا «ەلباسى جولى. تەمءىرتاۋ»
مەملەكەت باسشىسىنىڭ ونەگەلى ءومىرى، سارابدال ساياساتى تۋرالى «ەلباسى جولى» اتتى ءفيلمى - باسقا كارتينالاردىڭ جالعاسى. جەتپىسىنشى جىلدار ارالىعىن، ەلباسىنىڭ ۇلكەن ساياساتقا اياق باسقان، قاراعاندى مەتاللۋرگيالىق زاۋىتىندا پارتكوم حاتشىسى بولىپ تاعايىندالعان كەزەڭىن قامتيدى.
8 اقپاندا «جۇلدىزدار توعىسقاندا»
فيلمدە ەل تاريحىنداعى ەلەۋلى وقيعالار، كەڭەس وداعىنىڭ ىدىراۋى، 1986 جىلى تاۋەلسىزدىككە ۇمتىلعان قازاق جاستارىنىڭ كۇرەسى، 1991 جىلى تاۋەلسىز قازاقستاننىڭ پرەزيدەنتى بولىپ سايلانعانعا دەيىنگى ارالىق سيپاتتالىپ، ەلىمىز ەگەمەندىك العان العاشقى جىلدار كوركەم بەينەلەنگەن.
كينوكورسەتىلىمدەر اعىلشىن تىلىندەگى سۋبتيترلارمەن جۇرەدى.
كورسەتىلىم ورنى: الماتى قالاسى، العاباس 1 ىقشاماۋدانى، 6 ءۇي.
بايلانىس تەلەفونى 3-98-62-44, www.kz
"ادىرنا"
