نۇر-سۇلتاندا قارلى بوران قاپتادى. قاتتى جاۋعان قالىڭ قار جولداردى جاۋىپ تاستادى، دەپ حابارلايدى «ادىرنا» ءتىلشىسى.
قالىڭ قار مەن قاتتى جەلدىڭ سالدارىنان ەلوردا اق تۇتەككە اينالدى. تۇرعىندارعا داۋىل تۋرالى ەسكەرتۋ جاريالاندى. سينوپتيكتەر جەلدىڭ ەكپىنى سەكۋندىنا 20 مەتر بولاتىنىن حابارلادى.
قازگيدرومەت قالا تۇرعىندارىنا كوكتايعاق تۋرالى ەسكەرتتى. اۋا تەمپەراتۋراسى قايتادان مينۋس 7 گرادۋسقا دەيىن تومەندەدى،سەزىلۋى مينۋس 13 گرادۋسقا دەيىن.
اقمولا وبلىسى توتەنشە جاعدايلار دەپارتامەنتىنىڭ حابارلاۋىنشا، ساعات 10.30-دان باستاپ اۋا-رايىنىڭ ناشارلاۋىنا، جول كورىنۋىنىڭ شەكتەلۋىنە، قاتتى داۋىلعا جانە قالىڭ قارعا بايلانىستى رەسپۋبليكالىق ماڭىزى بار جول ۋچاسكەلەرىندە بارلىق كولىك تۇرلەرى ءۇشىن قوزعالىس جابىق.
رەداكتسياعا تۇرعىنداردان قالىڭ قار بوراپ جاتقان بەينە كەلىپ ءتۇستى:
«ادىرنا» ۇلتتىق پورتالى
