"جەزقازعان-ساتباەۆ" تراسساسىندا جول-كولىك وقيعاسى سالدارىنان بەس ادام قازا تاپتى، دەپ حابارلايدى قاراعاندى وبلىسى پد ءباسپاسوز قىزمەتى.
22 ناۋرىز كۇنى ساعات 00.30-دا «جەزقازعان-ساتباەۆ» اۆتوجولىندا «ۆاز» اۆتوكولىگىنىڭ 31 جاستاعى جۇرگىزۋشىسى رۋلگە يە بولا الماي قالىپ، جولدى ءبولىپ تۇرعان قورشاۋدىڭ كرونشتەينىنە سوعىلعان.
«جول-كولىك وقيعاسى سالدارىنان «ۆاز» اۆتوكولىگىنىڭ جۇرگىزۋشىسى مەن ونىڭ 4 جولاۋشىسى العان جاراقاتتارىنان وقيعا ورنىندا كوز جۇمدى. اتالعان فاكتى بويىنشا قر قك 345-بابى 4-بولىگى بويىنشا سوتقا دەيىنگى تەرگەۋ باستالدى. ءتيىستى ساراپتامالار تاعايىندالدى، تەرگەۋ جۇرگىزىلۋدە»، - دەپ حابارلادى قاراعاندى وبلىسى پد ءباسپاسوز قىزمەتىنەن.