رەسەيلىك ساياساتكەر ۆ.جيرينوۆسكي رەسەيدى ۋكرايناعا قارسى قاتاڭ ارەكەتتەرگە كوشۋگە شاقىردى. ۋكراينانىڭ شىعىسىندا سوڭعى ايدا قاقتىعىس كۇشەيىپ، جاعداي كۇرت ناشارلاپ كەتتى.
ۆلاديمير جيرينوۆسكي «كومسومولسكايا پراۆدا» راديوسىنا بەرگەن سۇحباتىندا رەسەيدى تەز ارادا راديكالدىق ارەكەتتەرگە كوشۋگە شاقىرىپ، ارانداتۋ سيپاتىنداعى سوزدەر ايتتى.
"قازىرگى تاڭدا، ياعني 19 ناۋرىزداعى جاعدايدى قاراڭىز. جاقىن ارادا دونباسستا ارانداتۋ ورىن الادى. ونى كۇتپەستەن ەرتەڭ سوققى جاسايىق، بىردە-ءبىر ۋكراينانىڭ ساربازى دا، وفيتسەرى دە قالمايتىنداي ەتەيىك. ەۋروپانىڭ قالاي قيپاقتاپ، بوزارىپ كەتكەنىن سوندا كورەسىز. سوعىس جاريالاماستان سولاي ەتەلىك", - دەدى ول.
ەفير بارىسىندا جيرينوۆسكي ۋكرايناعا جاساعان سوققىنىڭ قايدان كەلگەنىن دالەلدەۋ مۇمكىن ەمەس بولاتىندىعىن ايتتى.
«الەم ەلدەرى قالاي ىستەسە، بىزدە سولاي جاسالىق. دونباسستا قازا تاپقان 15 مىڭ ورىس ازاماتتارى بار. ۋكراينا تۇرمەلەرىندە قيناۋ مەن ازاپتاۋ توقتار ەمەس. تۇسىنەسىز بە، ءبىزدى ارەكەت جاساماساق تومەندەتە بەرەدى، ەزە بەرەدى. ءبىز جويقىن سوققى جاساماساق بولمايدى. ورىس اسكەرى ولاردىڭ تەرريتورياسىنا كىرمەيدى، زىمىراندار عارىشتان ۇشىپ كەلەدى. سوسىن كىمنىڭ زىمىرانى ەكەنىن دالەلدەپ كور. وندا رەسەيدىڭ زىمىرانى ەكەنى تۋرالى بەلگى بولمايدى»، — دەدى جيرينوۆسكي.
اسحات قاسەنعالي
"ادىرنا" ۇلتتىق پورتالى
