Reseılik saıasatker V.Jırınovskıı Reseıdi Ýkraınaǵa qarsy qatań áreketterge kóshýge shaqyrdy. Ýkraınanyń shyǵysynda sońǵy aıda qaqtyǵys kúsheıip, jaǵdaı kúrt nasharlap ketti.
Vladımır Jırınovskıı «Komsomolskaıa pravda» radıosyna bergen suhbatynda Reseıdi tez arada radıkaldyq áreketterge kóshýge shaqyryp, arandatý sıpatyndaǵy sózder aıtty.
"Qazirgi tańda, ıaǵnı 19 naýryzdaǵy jaǵdaıdy qarańyz. Jaqyn arada Donbassta arandatý oryn alady. Ony kútpesten erteń soqqy jasaıyq, birde-bir Ýkraınanyń sarbazy da, ofıeri de qalmaıtyndaı eteıik. Eýropanyń qalaı qıpaqtap, bozaryp ketkenin sonda kóresiz. Soǵys jarııalamastan solaı etelik", - dedi ol.
Efır barysynda Jırınovskıı Ýkraınaǵa jasaǵan soqqynyń qaıdan kelgenin dáleldeý múmkin emes bolatyndyǵyn aıtty.
«Álem elderi qalaı istese, bizde solaı jasalyq. Donbassta qaza tapqan 15 myń orys azamattary bar. Ýkraına túrmelerinde qınaý men azaptaý toqtar emes. Túsinesiz be, bizdi áreket jasamasaq tómendete beredi, eze beredi. Biz joıqyn soqqy jasamasaq bolmaıdy. Orys áskeri olardyń terrıtorııasyna kirmeıdi, zymyrandar ǵaryshtan ushyp keledi. Sosyn kimniń zymyrany ekenin dáleldep kór. Onda Reseıdiń zymyrany ekeni týraly belgi bolmaıdy», — dedi Jırınovskıı.
Ashat QASENǴALI
"Adyrna" ulttyq portaly
