ۆولونتەردەن تانىمال بلوگەرگە دەيىن: «ەلباسى مەدالى» جوباسىنىڭ قاتىسۋشىسى جاستاردى جاڭا جەڭىستەرگە ىنتالاندىرادى

841

«ەلباسى مەدالى» جوباسىنىڭ قولا مەدال يەگەرى، شىعىس قازاقستان وبلىسىنان كەلگەن توعىزىنشى سىنىپ وقۋشىسى ەركەجان ءجۇنىسوۆا Instagram جەلىسىندە ءوزىنىڭ ونلاين-كۇندەلىگىن جۇرگىزەدى.

ءوزىنىڭ بەينەلەرى مەن جازبالارىندا وقۋشى ءوزىن-ءوزى تاربيەلەۋ، ەكولوگيانى جاقسارتۋ، ورىس تاريحى جانە تاعى باسقا تاقىرىپتاردا اڭگىمە-دۇكەن قۇرادى. ەركەجان وقىرماندارىن بەلسەندى ءومىر سالتىن ۇستانۋعا جانە ءوزىن-ءوزى دامىتۋمەن اينالىسۋعا شاقىرادى.

«ادامدار ماعان سەن ءبىزدى ىنتالاندىراسىڭ دەپ جازعاندا ەرەكشە سەزىمگە بولىنەمىن. مەن ادامدارمەن جۇمىس ىستەگەندى جانە سويلەسكەندى ۇناتامىن، ويتكەنى ولار مەنىڭ موتيۆاتسيامنىڭ قاينار كوزى. ولار ماعان بەرىلمەۋگە جانە باسقالاردى ىنتالاندىرۋ ءۇشىن ماقساتىما جەتۋگە كومەكتەسەدى»، - دەيدى مەكتەپ وقۋشىسى.

سوڭعى التى ايدا ەركەجاننىڭ جازىلۋشىلارى ونىڭ ەلىمىزدىگى ەڭ اۋقىمدى «ەلباسى مەدالى» جوباسىنا قاتىسۋ بارىسىن باقىلاپ وتىردى. بويجەتكەن التى اي بويى بىرنەشە باعىت بويىنشا تاپسىرمالار ورىندادى: كىتاپ وقۋ، ۇلتتىق مۇرا، ەرىكتىلىك، سپورت جانە دەنەشىنىقتىرۋ، دارىن مەن داعدى. جوبا ەرەجەسىنە ساي قاتىسۋشىلار اپتا سايىن ورىندالعان تاپسىرمالاردىڭ ەسەبىن جۇكتەۋ كەرەك.

«ەرىكتىلىك داعدىلارىن دامىتۋ ەرەكشە اسەر قالدىردى، قالامىزداعى ەكولوگيالىق جاعدايدى جاقسارتۋ جانە مۇقتاج ادامدارعا كومەكتەسۋ شارالارىنا ات سالىستىم. جۇمىس كۇنىنىڭ اياعىنا تامان ادامدارعا كوتەرىڭكى كوڭىل كۇي سىيلاۋدىڭ ءوزى پايدالى ءىس»، - دەيدى جوبا قاتىسۋشىسى.

جوبا بارىسىندا وقۋشى Instagram-دا «ۆولونتەر كۇندەلىگىن» جۇرگىزدى، ال اتا-اناسى مەن اتا-اجەسى بەينە-ەسەپتەردى جاساۋعا بەلسەندى قاتىستى.

باعىت تاپسىرمالارىن تولىق ورىنداعاننان كەيىن جاس بلوگەر «ەلباسى مەدالى» جوباسىنىڭ قولا مەدالىن يەلەندى.

«مەن ءۇشىن بۇل جاي عانا ماراپات ەمەس. ماقساتىما جەتۋ ءۇشىن 6 اي بويى تاباندىلىق تانىتىپ، ءتارتىپتى بولدىم. ۇلكەن تاجىريبە الدىم جانە ونى وزگەلەرمەن بولىسكىم كەلدى. بارىنە ۇنادى دە ويلايمىن، ويتكەنى ولار مەنەن جوبا تۋرالى سۇراي باستادى.  باسقا ايماقتاردان دا كوپ جازادى.  ولاردىڭ باسىم بولىگى ءوزىم سەكىلدى جوبا جەڭىمپازدارى، بىزدە تۇتاس قوعامداستىق قالىپتاستى دەسە دە بولادى.  مەن وسى ۇجىمنىڭ ءبىر بولىگى بولعانىما قۋانىشتىمىن جانە وسىنداي مۇمكىندىك ءۇشىن ەلباسىنا العىسىمدى بىلدىرەمىن»، - دەدى ەركەجان. (ۆيدەو)

«ەلباسى مەدالى» - جاستاردى كەشەندى دامىتۋعا باعىتتالعان ۇلتتىق دەڭگەيدەگى جالعىز باعدارلاما. ول 7 نەگىزگى باعىتتان تۇرادى: سپورت، دارىن مەن داعدى، كىتاپ وقۋ، ۇلتتىق مۇرا، ەرىكتىلىك، تۋريستىك ساياحاتتار، ەڭبەك تاجىريبەسى. قاتىسۋشىلار 14-29 جاس ارالىعىنداعى جاس قازاقستاندىقتار.

باعدارلامادا بارلىعى 3 دەڭگەيدەن تۇرادى: قولا، كۇمىس جانە التىن. 2020 جىلى «ەلباسى مەدالى» 11 مىڭ قاتىسۋشى، 600 تالىمگەر، 17 وڭىرلىك ۇيلەستىرۋشى مەن ساراپشىنىڭ باسىن قوستى. جوبانى نۇرسۇلتان نازارباەۆ قورى مەن ەلباسى اكادەمياسى «ەل ءۇمىتى» باستاماسى اياسىندا جۇزەگە اسىرادى.

پىكىرلەر
رەداكتسيا تاڭداۋى