بەلگىسىز بىرەۋ الماتىداعى 12 مەكتەپتىڭ پوشتاسىنا ولاردى تۇگەلىمەن جارىپ جىبەرەتىنى تۋرالى حات جولداعان، دەپ حابارلايدى "ادىرنا" ۇلتتىق پورتالى الماتى پوليتسيا دەپارتامەنتىنىڭ ءباسپاسوز قىزمەتىنە سىلتەمە جاساپ.
"بۇل تۋرالى 12 جالپى ءبىلىم بەرۋ مەكەمەسىنىڭ ەلەكتروندى پوشتاسىنا كەلگەن حاتتاردان بەلگىلى بولدى. وندا بەلگىسىز ازامات اقشا جىبەرۋدى تالاپ ەتەدى. اقشا جىبەرمەگەن جاعدايدا ول مەكتەپ عيماراتىن جارىپ جىبەرەمىن دەپ قورقىتۋدا", - دەيدى پوليتسيا دەپارتامەنتىندە.
قازىرگى تاڭدا عيماراتتاردى ساپەرلار تەكسەرىپ جاتىر. قىلمىستىق كودەكستىڭ 273-بابى - "تەرروريزم اكتىسى قاتەرىنىڭ تۋىنداۋى تۋرالى كورىنەۋ جالعان اقپارات" دەرەگى بويىنشا قىلمىستىق ءىس تىركەلدى.
"جاسىرىن حات جولداۋشىنىڭ جەكە باسىن انىقتاۋ جانە ونى ودان ءارى ۇستاۋ بويىنشا جەدەل-ىزدەستىرۋ شارالارى جۇرگىزىلۋدە", - دەپ تولىقتىردى پوليتسەيلەر.
