الماتى وبلىسىندا ايەلدى ۇرلاپ، ءولتىردى دەپ ايىپتالعان ەكى ايەلگە قاتىستى سوت ۇكىمى جاريالاندى، دەپ حابارلادى الماتى وبلىستىق سوتىنىڭ ءباسپاسوز قىزمەتى.
2020 جىلى مامىردا ەكى ايەل تانىس قۇربىسىن ءوز ۇيىنەن الداپ ەرتىپ كەتكەن. كەيىننەن ونى كولىكپەن ەسكەلدى اۋدانىنىڭ ماتاي بايىسوۆ (بۇرىنعى بۋديوننىي) اتىنداعى اۋىلعا اپارىپ، سول جەردە اسقان قاتىگەزدىكپەن ولتىرگەن.
سوت پروتسەسىندە سوتتالۋشىلاردىڭ ءبىرى تاعىلعان ايىپتى مويىندامادى. ال ەكىنشىسى اۋىرلاتاتىن ءمان-جايلارسىز ادام ءولتىرۋ ءىسى بويىنشا بۇل پروتسەستى قايتا قاراۋدى سۇرادى. پروكۋرور بولسا، سوتتالۋشىلاردى 19 جانە 20 جىلعا باس بوستاندىعىنان ايىرۋدى سۇرادى.
"15 ناۋرىزدا اتالعان ءىس بويىنشا جينالعان دالەلدەمەلەردى ەسكەرە وتىرىپ، سوت ەكى ايەلدى دە كىنالى دەپ تاپتى. سوتتالۋشىلاردىڭ ءبىرى 18 جىلعا، ەكىنشىسى 17 جىلعا باس بوستاندىعىنان ايىرىلدى", – دەپ حابارلادى الماتى وبلىستىق سوتىنىڭ ءباسپاسوز قىزمەتى.
سونىمەن قاتار، جابىرلەنۋشىنىڭ ماتەريالدىق شىعىندى ءوندىرۋ جانە مورالدىق زياندى وتەۋ تۋرالى ازاماتتىق تالاپتارى ءىشىنارا قاناعاتتاندىرىلادى. سوتتالۋشىلاردان ماتەريالدىق شىعىن رەتىندە 1 ميلليون 323 مىڭ 498 تەڭگە، سونداي-اق مورالدىق زياندى وتەۋ ءۇشىن ارقايسىسىنان 5 ميلليون تەڭگە ءوندىرىلدى.
