Almaty oblysynda áıeldi urlap, óltirdi dep aıyptalǵan eki áıelge qatysty sot úkimi jarııalandy, dep habarlady Almaty oblystyq sotynyń baspasóz qyzmeti.
2020 jyly mamyrda eki áıel tanys qurbysyn óz úıinen aldap ertip ketken. Keıinnen ony kólikpen Eskeldi aýdanynyń Mataı Baıysov (burynǵy Býdıonnyı) atyndaǵy aýylǵa aparyp, sol jerde asqan qatygezdikpen óltirgen.
Sot proesinde sottalýshylardyń biri taǵylǵan aıypty moıyndamady. Al ekinshisi aýyrlatatyn mán-jaılarsyz adam óltirý isi boıynsha bul proesti qaıta qaraýdy surady. Prokýror bolsa, sottalýshylardy 19 jáne 20 jylǵa bas bostandyǵynan aıyrýdy surady.
"15 naýryzda atalǵan is boıynsha jınalǵan dáleldemelerdi eskere otyryp, sot eki áıeldi de kináli dep tapty. Sottalýshylardyń biri 18 jylǵa, ekinshisi 17 jylǵa bas bostandyǵynan aıyryldy", – dep habarlady Almaty oblystyq sotynyń baspasóz qyzmeti.
Sonymen qatar, jábirlenýshiniń materıaldyq shyǵyndy óndirý jáne moraldyq zııandy óteý týraly azamattyq talaptary ishinara qanaǵattandyrylady. Sottalýshylardan materıaldyq shyǵyn retinde 1 mıllıon 323 myń 498 teńge, sondaı-aq moraldyq zııandy óteý úshin árqaısysynan 5 mıllıon teńge óndirildi.
