سوڭعى ءۇش كۇندە اتىراۋلىق 405 مۇعالىم كوروناۆيرۋس ىندەتىنە قارسى ۆاكتسينا الدى.
ءبىلىم سالاسى قىزمەتكەرلەرى اراسىندا ەكپەگە قاتىستى تۇسىندىرمە جۇمىستارى جۇرگىزىلۋدە. سونىڭ ءبىرى- اتىراۋ ەنەرگەتيكا جانە قۇرىلىس كوللەدجىندە ءوتتى.
وندا سانيتاريالىق-ەپيدەميولوگيالىق باقىلاۋ دەپارتامەنتىنەن جۇقپالى جانە پارازيتارلىق اۋرۋلاردى ەپيدەميولوگيالىق باقىلاۋ ءبولىمىنىڭ باس مامانى ءلاززات دجايلاۋوۆا،
دەنساۋلىق ساقتاۋ باسقارماسىنىڭ مەديتسينالىق كومەكتى ۇيىمداستىرۋ جانە ليتسەنزيالاۋ ءبولىمىنىڭ باسشىسى - نينا وسپانوۆا، №5 قالالىق ەمحانانىڭ ءبولىم مەڭگەرۋشىسى نۇرباقىت قۇپجانوۆ، وبلىستىق ءبىلىم بەرۋ باسقارماسىنىڭ باس مامانى گاۋحار تاكۋزوۆا قاتىسىپ، ۆاكتسيناعا قاتىستى مۇعالىمدەر ساۋالدارىنا جاۋاپ بەردى.
اتىراۋ وبلىسىندا 9 ناۋرىزدان باستاپ مۇعالىمدەرگە كوروناۆيرۋس ينفەكتسياسىنا قارسى ۆاكتسيناتسيا سالۋ باستالعان بولاتىن.
سوڭعى ءۇش كۇندە 605 اتىراۋلىق ۆاكتسينا الدى. ونىڭ 408-ءى پەداگوگ، 183-ءى مەديتسينا قىزمەتكەرى، 14-ءى مەملەكەتتىك قىزمەتشى.
