ۇشاق اپاتىنان قازا تاپقان اسكەريلەر اقتىق ساپارعا اتتاندى

863

الماتى وبلىسىندا ان-26 اسكەري ۇشاعىنىڭ اپاتقا ۇشىراۋىنان قايتىس بولعان اسكەريلەر جەر قوينىنا تاپسىرىلدى. دۇيسەنبى، 15 ناۋرىز كۇنى بورالداي كەنتىندە ۇلتتىق قاۋىپسىزدىك كوميتەتىنىڭ اۆياتسيا قىزمەتىنىڭ قازا تاپقان اسكەري قىزمەتشىلەرىنە اسكەري قۇرمەت كورسەتۋ ءراسىمى ءوتتى. ءباسپاسوز قىزمەتى ۇقك باسشىلىعى شاراعا قاتىسقانىن حابارلادى.

«قازا تاپقانداردى جەرلەۋ ورنىنا جەتكىزۋ ءۇشىن ۇلتتىق قاۋىپسىزدىك كوميتەتىنىڭ جەردەگى جانە اۋەدەگى كولىك قۇرالدارى جۇمىلدىرىلدى. ۇقك كوز جۇمعان جانە زارداپ شەككەن اسكەريلەردىڭ تۋىستارى مەن جاقىندارىنا قاجەتتى كومەك پەن قولداۋ كورسەتىپ جاتىر»، – دەپ جازىلعان كوميتەت سايتىندا.

قىزمەتتىك مىندەتىن ورىنداۋ كەزىندە كوز جۇمعان اسكەريلەردى ەسكە الۋ ءۇشىن ۇقك ورتالىق اپپاراتىنىڭ عيماراتىنداعى ۆەدومستۆولىق تۋ تومەن ءتۇسىرىلدى. ساعات 17:22-دە ۇلتتىق قاۋىپسىزدىك ورگاندارىندا ءبىر مينۋت ۇنسىزدىك جاريالاندى.

قازىر ۆەدومستۆوارالىق جۇمىس كوميسسياسى قۇرىلىپ، اۋە اپاتىنىڭ ءمان-جايىن انىقتاۋ بويىنشا جۇمىس جۇرگىزىپ جاتىر.

پىكىرلەر
رەداكتسيا تاڭداۋى