الماتى قالاسىنىڭ باس مەملەكەتتىك سانيتارلىق دارىگەرى جانداربەك بەكشين الماتى قانداي جاعدايدا تولىقتاي كارانتينگە جابىلاتىنىن ايتتى، دەپ حابارلايدى "ادىرنا" ۇلتتىق پورتالى قازاقپارات سايتىنا سىلتەمە جاساپ.
جانداربەك بەكشين شەكتەۋ شارالارىن جالعاستىرۋ كەرەكتىگىن باسا ايتتى.
«بۇگىندە بىزدە 3400 توسەك-ورىن بار، ولاردىڭ جۇكتەمەسى 40 پايىزدان اسپايدى. سونىمەن قاتار، 7 مىڭ رەزەرۆ توسەك بار، بىراق رەزەرۆتەر دە تاۋسىلۋى مۇمكىن. اۋرۋحاناعا تاۋلىگىنە 5000 ادام جاتقىزىلسا، وندا ءبىر ينكۋباتسيالىق كەزەڭ ىشىندە بارلىق توسەك-ورىنداردى تولىعىمەن الامىز. بۇعان جول بەرۋگە بولمايدى. ەگەر كۇنىنە 300 ناۋقاس جاتقىزىلسا دا، قالا لوكداۋنعا جابىلادى. ۋاقتىلى شارالار قابىلداماساق، وندا، ارينە، بارلىعىن تولىعىمەن جاۋىپ، توقتاتۋعا تۋرا كەلەدى. ءبىزدىڭ مىندەتىمىز - بۇعان جول بەرمەۋ»، - دەدى ول ZOOM كونفەرەنتسياسى بارىسىندا.
ەستەرىڭىزدە بولسا، الماتى 10 ناۋرىز كۇنى "قىزىل ايماققا" ەنگەن بولاتىن. 13 ناۋرىزدا قالادا كارانتين رەجيمى كۇشەيتىلدى.
