ۇلتتىق اەروناۆتيكا جانە عارىش كەڭىستىگىن زەرتتەۋ باسقارماسىنىڭ (NASA) ماماندارى توحو ۋنيۆەرسيتەتىندە جۇمىس ىستەيتىن جاپون عالىمدارىمەن بىرگە اقىرزاماننىڭ ناقتى داتاسىن انىقتادى، دەپ حابارلادى Sputnik راديوسى.
زەرتتەۋ ناتيجەسى Nature Geoscience عىلىمي جۋرنالىندا جاريالاندى. وندا كۇن رادياتسياسى ميلليارد جىلدان كەيىن جەردىڭ اتموسفەراسىن تولىعىمەن جوياتىنى جايلى ايتىلادى، ياعني عالىمدار 1 000 002 021 جىلى اقىرزامان بولادى دەپ بولجاعان.
عالىمدار زەرتتەۋدىڭ دالدىگىنە كوز جەتكىزۋ ءۇشىن جەردە قاي كەزدە تىرشىلىك جويىلاتىنىن كەم دەگەندە 400 مىڭ رەت ەسەپتەگەن. ايتۋلارىنشا، اقىرزامانعا اتموسفەراداعى بارلىق وتتەگىنىڭ بۋلانىپ كەتۋى سەبەپ بولادى.
