پوليتسەيلەر ارىس قالاسىنىڭ تۇرعىنىنان 4 كەلىدەن استام ماريحۋانا تاركىلەدى، – دەپ حابارلايدى «ادىرنا» ءتىلشىسى Polisia.kz-كە سىلتەمە جاساپ.
«جەدەل-ىزدەستىرۋ ءىس-شارالارىنىڭ ناتيجەسىندە تۇركىستان وبلىسى پد ەسىرتكى قىلمىسىنا قارسى ءىس-قيمىل باسقارماسىنىڭ قىزمەتكەرلەرى، ارىس اپب-ءنىڭ پوليتسەيلەرى جانە اۋدندىق پروكۋراتۋرا بىرلەسە وتىرىپ، اسا ءىرى كولەمدە ەسىرتكى ساقتاعان كۇدىكتىنى ۇستادى. جەدەل ۋاكىلدەر ارىس قالاسى تۇرعىنىنىڭ ءۇيىن ءتىنتۋ كەزىندە ەرەكشە حوش ءيىسى بار وسىمدىك تەكتەس ەسىرتكى زاتتى تاۋىپ، ساراپتاماعا جىبەردى»،-دەلىنگەن حابارلامادا.
ساراپتاما قورىتىندىسىنا سايكەس، الىنعان ەسىرتكىنىڭ جالپى سالماعى 4,5 كگ-نان اساتىن “كەپتىرىلگەن ماريحۋانا” بولىپ شىقتى.
اتالعان جايتتى پوليتسەيلەر قر قك-ءنىڭ 296-بابى 4-بولىگى (ەسىرتكى، پسيحوتروپتىق زاتتارمەن، سول تەكتەستەرمەن وتكىزۋ ماقساتىنسىز زاڭسىز جۇمىس ىستەۋ) بويىنشا سدتبت-عا تىركەدى. بۇل باپتىڭ سانكتسياسى ءۇش جىلدان جەتى جىلعا دەيىنگى مەرزىمگە باس بوستاندىعىنان ايىرۋ تۇرىندەگى ەڭ جوعارى جازانى كوزدەيدى.
قازىرگى ۋاقىتتا ەسىرتكىنى زاڭسىز ساقتاۋ دەرەگى بويىنشا سوتقا دەيىنگى تەرگەۋ امالدارى جۇرگىزىلۋدە. كۇدىكتىگە قاتىستى قاماۋعا الۋ تۇرىندەگى بۇلتارتپاۋ شاراسى تاڭدالدى. تەرگەۋ وقيعانىڭ بارلىق ءمان-جايىن جانە كۇدىكتىنىڭ باسقا دا وسىعان ۇقساس قىلمىستارعا قاتىستىلىعىن انىقتايدى. سونداي-اق، جەدەل ۋاكىلدەر اۋدان ورتالىعىنا ەسىرتكى جەتكىزۋدىڭ جولىن ايقىندايتىن بولادى.
«ادىرنا» ۇلتتىق پورتالى
