رەسەي پرەزيدەنتى ۆلاديمير پۋتين قىرىمدى نەگە تارتىپ العانىن اشىق ايتتى. بۇل تۋرالى ول اندرەي كوندراشوۆتىڭ «كرىم. پۋت نا رودينۋ» دەرەكتى فيلمىندە بايانداعان. فيلم «روسسيا 24» ارناسىنان كورسەتىلگەن ەدى.
رەسەي پرەزيدەنتىنىڭ سوزىنشە، قىرىمدى رەسەيگە قوسۋداعى باستى ماقسات ۋكراينانىڭ دونباسس ايماعىنداعىداي قانتوگىستىڭ الدىن-الۋ ءۇشىن ىسكە اسقان. رەفەرەندۋمنىڭ ماقساتى ازاماتتارعا ءوز ويىن ەركىن بىلدىرۋگە مۇمكىندىك بەرۋ ەكەندىگىن دە ايتا كەتكەن.
«قىرىم ماسەلەسىندە ءبىز دونباسستاعىداي قايعىلى وقيعالار ورىن الماۋى ءۇشىن قاتاڭ دا جىلدام شەشىم قابىلدادىق. ءدال دونباسستاعىداي قاسىرەتتى وقيعالاردىڭ قايتالانۋىنا جول بەرمەۋ ماقساتىندا ءبىز قىرىم تۇرعىندارىنىڭ ويلارىن ەركىن ءبىلدىرۋىن قامتاماسىز ەتۋ ءۇشىن قاجەتتى ارەكەتتەردى جاساۋعا ءماجبۇر بولدىق»، — دەدى ول.
اسحات قاسەنعالي،
"ادىرنا" اقپاراتتىق پورتالى
