قازاقستاننىڭ كورەيا رەسپۋبليكاسىنداعى ەلشىسى باقىت دۇيسەنباەۆ حانكۋك شەت تىلدەرى ۋنيۆەرسيتەتىنىڭ ۆيتسە-پرەزيدەنتى شين جوڭ حۋانمەن جانە ۋنيۆەرسيتەتتىڭ تۇلەگى تسوي يون سونمەن كەزدەستى. بۇل تۋرالى سىرتقى ىستەر مينيسترلىگى حابارلادى.
ءىس-شارا اياسىندا چوي يون سوننىڭ تúrkistan گازەتىنە بەرگەن سۇحباتى جاريالانعاننان كەيىن جولدانعان پرەزيدەنت قاسىم-جومارت توقاەۆتىڭ حاتى تابىس ەتىلدى.
مەملەكەت باسشىسى ماقالانى وقىپ، ونى جوعارى باعالاعان بولاتىن. ءوزىنىڭ حاتىندا ول چوي يون سونعا ريزاشىلىعىن ءبىلدىرىپ، قازاق ءتىلىن زەرتتەپ، كورەي-قازاق سوزدىگىن قۇراستىرۋىن قولدايتىنىن جەتكىزدى.
تسوي يون سون 2019 جىلدىڭ اقپانىندا حانكۋك شەت تىلدەرى ۋنيۆەرسيتەتىن قازاق ءتىلى ماماندىعى بويىنشا ءبىتىردى. ستۋدەنتتەرمەن الماسۋ باعدارلاماسى شەڭبەرىندە 2015-2016 جىلدارى ءال-فارابي اتىنداعى قازاق ۇلتتىق ۋنيۆەرسيتەتىندە وقىپ، 2017 جىلى «استانا ەXPO – 2017» حالىقارالىق مامانداندىرىلعان كورمەسىندە كورەيا رەسپۋبليكاسىنىڭ پاۆيلونىندا قىزمەت ەتتى.
قازىرگى ۋاقىتتا ول حانكۋك شەت تىلدەرى ۋنيۆەرسيتەتىنىڭ عىلىمي قىزمەتكەرى رەتىندە جۇمىس ىستەپ، قازاق ءتىلىن زەرتتەۋ مەن ونى ناسيحاتتاۋ بويىنشا ەڭبەگىن جالعاستىرۋدا. ول قازاق ءتىلىن جوعارى دەڭگەيدە مەڭگەرىپ قانا قويماي، حالقىمىزدىڭ مادەنيەتى مەن ءداستۇرىن تەرەڭ بىلەدى.
