Qazaqstannyń Koreıa Respýblıkasyndaǵy elshisi Baqyt Dúısenbaev Hankýk shet tilderi ýnıversıtetiniń vıe-prezıdenti Shın Joń Hýanmen jáne ýnıversıtettiń túlegi oı Ion Sonmen kezdesti. Bul týraly Syrtqy ister mınıstrligi habarlady.
Is-shara aıasynda Choı Ion Sonnyń Túrkistan gazetine bergen suhbaty jarııalanǵannan keıin joldanǵan Prezıdent Qasym-Jomart Toqaevtyń haty tabys etildi.
Memleket basshysy maqalany oqyp, ony joǵary baǵalaǵan bolatyn. Óziniń hatynda ol Choı Ion Sonǵa rızashylyǵyn bildirip, qazaq tilin zerttep, koreı-qazaq sózdigin qurastyrýyn qoldaıtynyn jetkizdi.
oı Ion Son 2019 jyldyń aqpanynda Hankýk shet tilderi ýnıversıtetin qazaq tili mamandyǵy boıynsha bitirdi. Stýdenttermen almasý baǵdarlamasy sheńberinde 2015-2016 jyldary ál-Farabı atyndaǵy Qazaq ulttyq ýnıversıtetinde oqyp, 2017 jyly «Astana EXPO – 2017» halyqaralyq mamandandyrylǵan kórmesinde Koreıa Respýblıkasynyń pavılonynda qyzmet etti.
Qazirgi ýaqytta ol Hankýk shet tilderi ýnıversıtetiniń ǵylymı qyzmetkeri retinde jumys istep, qazaq tilin zertteý men ony nasıhattaý boıynsha eńbegin jalǵastyrýda. Ol qazaq tilin joǵary deńgeıde meńgerip qana qoımaı, halqymyzdyń mádenıeti men dástúrin tereń biledi.
