مۇنى حالىقارالىق ەكونوميكالىق ساراپشىلار ايتىپ جاتىر. رەسەيدە ترانسفورماتسيالىق كريزيس ءجۇرىپ جاتىر. كەشەگى كسرو داۋىرىندەگى ءبولىپى كەتكەن مەملەكەتتەردىڭ بارلىعىنىڭ دامۋ ءۇردىسى مەن ەكونوميكاسى دا ءارتۇرلى دەڭگەيدە.
بىراق 2021 جىل رەسەي ەكونوميكاسىنىڭ بۇرىنعى كسرو ەكونوميكاسىمەن تەڭەسكەنىن حالىقارالىق ساراپشىلار ايتىپ جاتىر. رەسەيدەگى قازىرگى بولىپ جاتقان ترانسفورماتسيالىق ەكونوميكالىق كريزيس قوعامدى اۋرۋعا ۇشىراتىپ وتىر. ەلدەن كەتىپ جاتقان حالىقتىڭ سانى ەداۋىر ارتقان. ونىڭ باسىم بولىگى جاستار. ولار اقش پەن ەۋروپا ەلدەرىنە بەت العان. 2000-2019 جىلعى رەسەي ەكونوميكاسىنداعى جاعدايلار ەشكىم كۇتپەگەن ناتيجيەلەردى كورسەتىپتى. ال، كەڭەستىك وداقتاعى بۇرىنعى ەلدەردىڭ ەكونوميكاسى رەسەيمەن سالىستىرعاندا كوش ىلگەرى بولىپ تۇر.
حالىقارالىق بانك بۇرىڭعى كەڭەس قۇرامىنداعى ەلدەردىڭ ءجىوس بويىنشا مىناداي ناتيجەلەر شىعارعان:ازەربايجان — 341%، وزبەكستان — 242%، ارمەنيا — 225%، قازاقستان — 219%، گرۋزيا — 179%، مولدوۆا — 133%، بەلارۋس — 126%، قىرعىزستان — 125%، ليتۆا — 112%، ەستونيا — 96%، لاتۆيا — 94%، روسسيا — 85%، ۋكراينا — 52%.
2020 جىلى رەسەيدىڭ ەكونوميكاسى باتىستىڭ سانكتسيالارىنان 4 پايىزعا قۇلاعان. رەسەي بيلىگى سوڭعى سانكتسيادان سوققى العان ەكونوميكالىق ستاتيستيكالىق كورسەتكىشتەردى حالىقتان جاسىرىپ وتىر. بارلىق دەرەكتەر قۇپيا. رەسەيدىڭ كەڭەس وداعىن قۇرامىز دەپ جۇرگەنى دە وسى قىسىلتاياڭنان تۋىنداپ وتىرعان دا بولۋى مۇمكىن.
حالىقارالىق ەكونوميكالىق ساراپشىلار مەن ساياساتتانۋشىلار رەسەي ەكونوميكاسىنىڭ قۇلدىراۋى رەسەيدىڭ گەوساياسي ىقپالىنىڭ قۇلاۋىمەن ءبىر دەپ وتىر.
بەكبولات قارجان،
"ادىرنا" ۇلتتىق پورتالى
