ناۋرىزدى جاپپاي تويلاۋعا تىيىم سالىنادى

1792
Adyrna.kz Telegram

الماتى قالاسىنىڭ باس مەملەكەتتىك سانيتار دارىگەرى جانداربەك بەكشيننىڭ جاڭا قاۋلىسى جاريالاندى. قاۋلى 2021 جىلعى 13 ناۋرىزدا كۇشىنە ەنەدى.

ويىن-ساۋىق ءىس-شارالارىن، كورمەلەردى، فورۋمداردى، كونفەرەنتسيالاردى، سونداي-اق وتباسىلىق، سالتاناتتى، ەستەلىك ءىس-شارالارى (بانكەتتەر، ۇيلەنۋ تويلار، مەرەيتويلار، ەسكە الۋ), ونىڭ ىشىندە ۇيدە جانە ادامدار كوپ جينالاتىن وزگە دە ءىس-شارالاردى وتكىزۋگە تىيىم سالۋ ساقتالادى.

ناۋرىزدى جانە باسقا دا مەرەكەلىك كورپوراتيۆتەردى جاپپاي مەرەكەلەۋدى ۇيىمداستىرۋعا جانە وتكىزۋگە تىيىم سالىنادى; 2021 جىلعى 20-24 ناۋرىز ارالىعىندا قالاارالىق/وبلىسارالىق تۇراقتى اۆتوبۋستاردىڭ (شاعىن اۆتوبۋستاردىڭ) الماتى قالاسىنا كىرۋىن (قوزعالىسىن) توقتاتا تۇرۋ;

قىزمەتى جاڭارتىلماعان وبەكتىلەرگە بارۋعا تىيىم سالىنادى. بۇل بوۋلينگ ورتالىقتارى، كومپيۋتەرلىك كلۋبتار (Ashyq پيلوتتىق جوباسىنا قاتىساتىن وبەكتىلەردى قوسپاعاندا), بيليارد، كاراوكە، باتۋتتار، تۇنگى كلۋبتار، بۋكمەكەرلىك كەڭسەلەر، لوتو جانە ويىن كلۋبتارى، جابىق ءۇي-جايلارداعى ويىن الاڭدارى مەن اتتراكتسيوندار، ونىڭ ىشىندە سپورت وبەكتىلەرىندە ورنالاسقانداردى قوسپاعاندا، مۇز جانە روليكتى مۇز ايدىندارى;

قوعامدىق كولىككە، تاكسيگە، مەتروعا، اۋەجايلارعا، ت/ج جانە اۆتوۆوكزالدارعا، اۋلا بالالار الاڭدارىنا، ازىق-تۇلىك جانە ازىق-تۇلىك ەمەس بازارلارعا جانە باسقا دا قوعامدىق ورىندارعا سانيتاريالىق جانە دەزينفەكتسيالىق وڭدەۋ جۇرگىزۋ;

كۇندىزگى رەجيمدە كەڭەستەر (وتىرىستار) وتكىزۋگە تىيىم سالىنادى;

كوروناۆيرۋستىق ينفەكتسيانىڭ جەڭىل جانە ورتاشا نىساندارىمەن اۋىراتىن ناۋقاستاردى اۋرۋحاناعا جاتقىزۋ، سونداي-اق ءۇي كارانتينىن ساقتاۋ ءۇشىن جاعدايلار بولماعان كەزدە سيمپتومسىز نىسانداردى اۋرۋحاناعا جاتقىزۋ مىندەتتى.

پىكىرلەر